४३औं प्रधानसेनापतिमा महारथी पूर्णचन्द्र थापा – Naya Bikalpa
November 19, 2026, Thursday      Epaper

४३औं प्रधानसेनापतिमा महारथी पूर्णचन्द्र थापा

काठमाडौं । वर्तमान प्रधानसेनापति श्री राजेन्द्र क्षत्री भाद्र २४ गतेबाट औपचारिक रुपमा निवृत्त हुन लाग्नु भएकोले दोस्रो वरियता क्रममा रहनुभएका कामु प्रधानसेनापति श्री पूर्णचन्द्र थापा भाद्र २४ गतेबाट औपचारिक रुपमा प्रधानसेनापति महारथीमा बढुवा हुनुभएको छ ।

नेपाली सेनाको ४३औं प्रधानसेनापतिका रुपमा थापालाई नियुक्त गर्ने निर्णय यस अगाडि साउन १० गतेको मन्त्रिपरिषदको बैठकबाट भइसकेको थियो ।

त्यसैले नेपाली सेनाको परम्परा अनुसार निवृत्त हुन लाग्नु भएका प्रधानसेनापति महारथी राजेन्द्र क्षत्री साउन २४ गतेबाटै विदामा बस्नु भएको हुँदा रथी थापालाई कायममुकाम प्रधानसेनापतिको जिम्मेवारी दिइएको थियो ।

भाद्र २४ गते विहानै राष्ट्रपति विद्यादेवी भण्डारीले राष्ट्रपति कार्यालयमा विशेष कार्यक्रमको आयोजना गरी कायममुकाय प्रधानसेनापति श्री पूर्णचन्द्र थापालाई दज्र्यानी चिन्ह प्रदान गर्नुभए पश्चात औपचारिकरुपमा श्री पूर्णचन्द्र थापाले प्रधानसेनापति महारथीको कार्यभार सम्हाल्नु भएको हो ।

वि.सं. २०१७ साल भदौ २५ गते लमजुङको गाउँसहरमा जन्मिनुभएका नवनियुक्त प्रधानसेनापति महारथी पूर्णचन्द्र थापा वि.सं. २०३६ सालमा नेपाली सेनाको अधिकृत क्याडेटबाट नेपाली सेनामा प्रवेश गर्नुभएको थियो ।

नवनियुक्त प्रधानसेनापति थापा सेनाभित्रको सबै विभाग र कार्यालयहरुको नेतृत्व लिइसक्नुभएकोले नेपाली सेनाभित्रको अब्बल सैनिक अधिकृतको रुपमा परिचित हुनुुहुन्छ । राष्ट्रपति विद्यादेवी भण्डारीबाट दज्र्यानी चिन्ह प्रदान पश्चात सैनिक मुख्यालय जंगी अड्डामा गई आइतबारबाटै नेपाली सेनाको कमाण्ड सम्हाल्नु भएको छ ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ भाद्र २५, ०६: ४२

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ भाद्र २५, ०६: ४२

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ भाद्र २५, ०६: ४२

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...