मन्त्री अधिकारीको बेलायतको भिसा नै किन च्यातियो ?

नयाँ विकल्प
प्रकाशित मिती: २०७५ कार्तिक १९, ०८: ४७

काठमाडौं । संस्कृति, पर्यटन तथा नागरिक उड्डयन मन्त्री रविन्द्र अधिकारीको भिसा च्यातिएको अवस्थामा भेटिएको छ । मन्त्री अधिकारीको सचिवालयले पनि भिसा च्यातीएको र रातो मसीले क्रस गरेको अवस्थामा पाइएको जनाएको छ । विश्व पर्यटन मेलामा नेपालको तर्फवाट सहभागि हुन वेलायत जाने तयारीमा रहेका मन्त्री अधिकारी भिसाको यस्तो हालत देखेर चकित समेत परेका छन् ।

मन्त्री अधिकारीको राहदानी संकलन गर्न काठमाडौंस्थित भिएचएफ कार्यालय पुगेका मन्त्रालयका कर्मचारीलाई च्यातिएको र रातोमसीले क्रस गरेर भिसा थमाएका थिए । प्रहरी समक्ष काठमाडौँस्थित भिसा वितरक सस्था भीएचएफले गल्ति स्वीकार गर्दै अर्को भिसा इसु गर्ने आश्वासन दिएको छ । मन्त्री अधिकारीको भिसा किन रातोमसीले क्रस गरिएको हो भन्ने अझै प्रष्ट हुन सकेको छैन ।

पर्यटन मेलामा मन्त्री अधिकारीसँगै नेपालका ३१ पर्यटन व्यवसायी सहभागि हुने कार्यक्रम रहेको थियो ।