- अनामनगर काठमाडौँ
- infobikalpa21@gmail.com
देउवाले राजनीतिबाट विश्राम नलिने भन्दा को को तर्सिए
काठमाडौं । नेपाली कांग्रेसका सभापति शेरबहादुर देउवाले पार्टीलाई एक ढिक्का बनाएपछि मात्रै राजनीतिबाट विश्राम लिने बताएपछि पार्टीको संस्थापन र संस्थापनइत्तर पक्षमा हलचल आएको छ । सभापति देउवाको उत्तराधिकारीको रुपमा दाबी गरिरहेका वर्तमान उपसभापति विमलेन्द्र निधि, यसअघि नै सभापतिमा प्रत्यासी बनेर बरिष्ठ नेता रामचन्द्र पौडेल र कृष्णप्रसाद सिटौला र महामन्त्री डा.शशांक कोइरालालाई समेत तर्साएका थिए । देउवाले पौडेल र सिटौलालाई हराएर पार्टीको १३ औं महाधिवेशनमा सभापतिमा निर्वाचित भएका थिए ।
सभापति निर्वाचित भएदेखि नै संसद, सरकार प्रतिपक्षी र पार्टीको आन्तकि जीवनमै प्रभावकारी काम गर्न नसकेको भनी आलोचना खेपिरहेका बेला देउवा पुन पार्टी नेतृत्वको लागि प्रत्यासी होलान कि नहोलान भन्ने आशंका उब्जिएको थियो । तर शनिबार दशै, तिहार, छठ र नेपाल संवतको अवसरमा कांग्रेसको ४ नं वडासमितिले आयोजना गरेको चियापान कार्यक्रममा देउवाले आफू पार्टीलाइ एक ढिक्का नबनाई राजनीतिबाट विश्राम नलिने बताएपछि कांग्रेस भित्रको राजनीति तरंगित हुन पुगेको छ ।
देउवाले आफू पुन सभापतिको उम्मेदवार बन्ने संकेत दिएसँगै उपसभापति विमलेन्द्र निधिलाई समेत चस्को परेको छ । उनी आगामी महाधिवेशनमा सभापतिको तयारी गर्दै आएका थिए । आगामी महाधिवेशनमा उपसभापतिको लागि गच्छदारले सभापति देउवाबाट आश्वासन पाई रहेको बेला निधिको राजनीतिक भविश्य के हुने भन्ने अन्योलमा छ । महामन्त्रीमा भने पूर्णबहादुर खड्का र ज्ञानेन्द्रबहादुर कार्कीको बलियो दाबेदारी रहेको छ । सहमहामन्त्री डा. प्रकाशशरण महतले पनि सोही पदमा दाबी गरिरहेका छन् । उनीहरुमध्ये खड्का र महतको दाबी स्वभाविक पनि देखिन्छ ।
उता देउवाले सभापतिमा प्रतिष्पर्धा नगरी आफ्नो उत्ताराधिकारीको रुपमा निधिलाई उठाए सभापतिमा प्रतिष्पर्धा गर्ने निष्कर्षमा पुगेका महामन्त्री डा. शशांक कोइरालालाई पनि सभापति देउवको पुन सभपाति हुने चाहनाबाट संशंकित बनेका छन् । महामन्त्री डा शशाङ्क कोइरालाले त कांग्रेसलाइ एक ढिक्का भएर निर्वाचनमा बहुमत ल्याउने पार्टीको रुपमा पुर्याउन कोइराला परिवारका सदस्यहरु एक ढिक्का हुने बताइ सकेका छन् । महामन्त्री शशांकले कोइराला परिवारकी सदस्य सुजाता कोइराला स्वास्थ्यको कारण नेतृत्वमा नआउने भएकोले आफू र डा. शेखर कोइरालाबीचको सहमतिबाटै एक जना कांग्रेसको नेतृत्वमा प्रतिष्पर्धी बन्ने बताउँदै आएका छन् ।
उनले त्यसका लागि सभपातिमा उम्मेदवारी दिएर देउवासँग पराजित भएका सिटौलाले पनि शान्ति प्रकृयालाई निष्कर्षमा पुर्याउन योगदान दिएको तथा पूर्वप्रधानमन्त्रीहरु गिरिजाप्रसाद कोइराला र शुशिल कोइरालालाई भित्रबाटै सुझाव दिएकोले उनलाई पनि आफैसँग ल्याउने बताउँदै आएका छन् ।
उता सिटौला भने आफूलाई सभपाति मानेर कोइराला परिवारका सदस्यले समर्थन गर्नु पर्ने पक्षमा छन् ।
तर डा. शशांकले त्यो प्रस्तावलाई पूर्णरुपमा स्वीकार गरेका छैनन् । उता केन्द्रीय सदस्य अर्जुननरसिंह केसीले भने सभापतिमा एकल उम्मेदवार उठाउने प्रयास सफल नभए केन्द्रीय सदस्य र अन्य पदाधिकारीको उम्मेदवारी एउटै प्यानलबाट दिने र सभापतिमा देउवाले एउटै राउण्डबाट बहुमत ल्याउन नसक्ने भएपछि जसले सबैभन्दा बढी मत ल्याएर दोश्रो राउण्डमा जान्छ उसलाई सबैले सहयोग गर्ने सहमतिको खाका तयार गरेका छन् । केसीको यस्तो प्रस्तावप्रति धेरैले सकारात्मक रुपमा लिएका छन् ।
महामन्त्री कोइरालाले कोइराला परिवारबाटै नेतृत्व लिने भनेपछि बरिष्ठ नेता रामचन्द्र पौडेल र प्रकाशमान सिंह अझ बढी ससंकित बनेका छन् । उनीहरु दुवैले आफूहरुसँग सल्लाह नै नगरी उम्मेदवारी घोषणा गर्न नहुने गुनासो गरेका छन् । महामन्त्री शशांक कोइराला र पूर्वमहामन्त्री सिंहबीच केही समय चिसिएको सम्बन्ध सुमधुर बनाउने प्रयास भइरहेको बताइन्छ ।
उता सिटौलाले भने देउवा र शशांक दुबैजना सभापतिको उम्मेदवार भए पनि आफू नेतृत्वमा प्रतिष्पर्धा गर्नबाट पछि नहट्ने बताउँदै आएका छन् । उनले सभापति देउवाले पार्टी सञ्चालन गर्न नसकेर असफल भइसकेको र महामन्त्री कोइरालालाई वर्तमान राजनीतिक परिवर्नलाई स्वीकार गर्न नसकी कहिले हिन्दु राज्य त कहिले जनमत संग्रह गर्नुपर्ने जस्ता अपरिपक्क अभिब्यक्ति दिएका कारण डा. सशांक कोइरालाले आपूmसँग सहमति गर्नुपर्ने बताउँछन् ।
उता कोइरालाले भने पुरानो संस्थापन पक्षलाई पौडेलले समेट्न नसकेको भन्दै आफूले पुरानो बिरासतलाई फर्काउने र सबै नेताहरुलाई गुट उपगुट त्यागेर सहमतिमा ल्याउने प्रयास गरेकोले सहमतिबाटै आपूm सभापतिमा उठ्ने दावी गरिरहेका छन् ।
बेलटार, उदयपुर : उदयपुरको चौदण्डीगढी नगरपालिका क्षेत्रमा पछिल्लो समय अनपेक्षित रूपमा विद्युत कटौती बढेको भन्दै नेपाली कांग्रेस नगर कार्यसमितिले नेपाल...
काठमाडौं : बहुचर्चित नक्कली भुटानी शरणार्थी प्रकरणमा जिल्ला अदालत काठमाडौंले दोषी ठहर भएका विभिन्न उच्च पदस्थ व्यक्तिहरूलाई सजाय निर्धारण गरेको...
काठमाडौं : नेपाली कांग्रेसले सुकुम्वासी समस्या समाधानका लागि साझा राष्ट्रिय दृष्टि निर्माण गर्न संसदमा सार्वजनिक महत्वको प्रस्ताव अघि बढाउन संसदीय...
