गच्छदारको उपसभापति पद वेवारिसे ? – Naya Bikalpa
November 19, 2026, Thursday      Epaper

गच्छदारको उपसभापति पद वेवारिसे ?

काठमाडौं । नेपाली काग्रेसको संसदीय दलका उप नेता समेत रहेका विजयकुमार गच्छदारको उपसभपाति पद धरापमा परेको छ । पार्टी सभपाति शेरबहादुर देउवाले बिधान बमोजिम उपसभापति पद एउटा मात्र भएको थाहा पाउँदा पाउँदै उपसभपातिमा जबर्जस्ती नियुक्ति गरेपछि उनको सो पद धरापमा परेको छ।

गत चैतमा उपसभापतिमा गच्छदारको छाडेर सभापति देउवाले विमलेन्द्र निधिलाई नियुक्ति गरेका थिए । निधिलाइ उपसभपाति बनाए पछि उनले गच्छदारलाई भने संसदीय दलको उपनेता बनाएर थुमथुम्याउने प्रयास गरेका थिए । तर उपनेता पदमा चित्त नबुझाएका गच्छारले आफूलाई पार्टी एकता गर्दा भएको सहमति बमोजिम उपसभपाति दिन भने पछि देउवाले सो बिषयमाम पार्टीका शीर्ष नेतासँग छलफल समेत नगरी बिधान बिपरित गच्छदारलाई उपसभापतिमा नियुक्त गरेका हुन् ।

गच्छदारलाई उपसभापतिमा नियुक्त गरेपनि देउवाले गच्छदारलाई रुचाएका छैनन भन्ने प्रष्ट देखिन्छ । किनभने देउवा पक्षधर सदस्यहरुको बाहुल्यता रहेको पार्टी विधावन संशोधन मस्यौदा समितिले दुई जना उपसभापति हुने प्रावधानलाई समेत समेट्न नसकेपछि देउवासँग गच्ददा भित्र भित्रै चिडिएका छन् ।

उनले आफूलाई आश्वासन दिएर देउवाले धोका दिएको भन्दै हिँडेका छन् । आफू र आफूँगै कांग्रेसमा आएकाहरुको व्यवस्थापन नगरी आफूले गम्भिर निर्णय लिन बाध्य हुने धम्की गच्छदारले दिएका थिए । गच्छदारका एक दर्जन नेता र कार्यकर्ता संघीय समाजवादी फोरममा प्रवेश गर्न खोज्दा गच्छदारले कांग्रेसमै अवसर पाउने भन्दै थुमथुम्याएर राखेका थिए ।

पदाधिकारीको सख्या ६ भन्दा बढी अर्थात हालकै संरचना भन्दा नबढाउने भन्ने देउवाको अडानबाट गच्छदार देउवाप्रति शसंकित बनेका हुन् । उनको उपसभपाति पद अब महासमिति बैठकले पदाधिकारीको सख्या बढाएन भने धरापमा पर्ने निश्चित छ । अधिकार र भूमिका समेत स्पस्ट नपारिएको उपसभापति पद लिएका गच्छदार उपयुक्त अवसरको खोजिमा रहेको स्रोतले जनायो ।

नेपाली कांग्रेसमा करिब ३५ बर्षसम्म राजनीति गरेर मधेशबादी दल तत्कालिन मधेशी जनअधिकार फोरम प्रवेश गर्दै फोरम लोकतान्त्रिक भएका गच्छदार गत बर्षको संघीय संसदको निर्वाचनको मुखमा नेपाली कांग्रेस प्रवेश गरेका हुन् ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ मंसिर २४, ०७: ३४

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ मंसिर २४, ०७: ३४

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ मंसिर २४, ०७: ३४

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...