संसदमा प्रतिपक्षी सांसदलाई बोल्न रोक

नयाँ विकल्प
प्रकाशित मिती: २०७५ पुष २३, ०९: ५८

काठमाडौं । नेकपाका अध्यक्ष एवम् प्रधानमन्त्री केपी शर्मा ओलीले आइतबार संसदमा सार्वजनिक महत्वको विषयमा एक घण्टा लामो मन्तव्य दिए । सार्वजनिक विषयको महत्व भएको हुनाले प्रमुख प्रतिपक्षी दल नेपाली काँग्रेसका सांसदहरुले सभामुखसमक्ष समय माग गरे ।

समय माग भएपछि प्रतिपक्षी सांसदको लागि समय उपलब्ध गराउने भन्दै संसदको कार्वाही अगाडि बढाए । तर संसदको कार्वाही अगाडि बढाउँदै जाँदा प्रतिपक्षी दलका सांसदहरुले उठेर होहल्ला गर्दै पुनः बोल्न माग गरे ।

तत्काल सभामुखले फेरी केही सांसदलाई एक मिनेट मात्र बोल्न दिने भनेपछि काँग्रेसका सांसदहरुले संसद अवरुद्ध गर्न पुगे । संसद सञ्चालन नियमावली अनुसार एक मिनेट र केहीलाई बोल्न दिन्छु भन्दा काँग्रेस सांसदहरुले नमान्दा प्रन्ध मिनेटका लागि संसदनै स्थगित भयो ।

अर्थ समितिका सभापति कृष्णप्रसाद दाहालले दुईवटा विधेयक सम्बन्धी समितिको प्रतिवेदन पेस गर्दागर्दै प्रतिपक्षी सांसदहरुको होहल्लाका कारण प्रन्ध मिनेटका लागि स्थगित भएको संसद एकैचोटी पच्चीस गतेसम्मलाई स्थगित भयो ।

संसद सञ्चालन नियमावलीभित्र रहेर बोल्न नपाएको भन्दै सांसदहरु गगन थापा, दिलेन्द्र वडु, डा.मिलेन्द्र रिजाल, बालकृष्ण खाँड, पुष्पा भुषालले सभामुखलाई तपाई सभामुखकी पार्र्टी सदस्य प्रतिप्रश्न गरेका थिए ।