
नयाँ विकल्प,
काठमाडौं – परराष्ट्रमन्त्री नारायण खड्काले एक देशको पार्टीले अर्का देशको पार्टीबीच सम्बन्ध विस्तारका लागि भारत भ्रमणमा गएको नेपाली प्रतिनिधि मण्डल भाजपाको पार्टी कार्यलयमा गएको बताएका छन् ।
उनले एक पार्टीले अर्को पार्टीसँग सम्बन्ध विस्तार गर्नु गलत नभएको दावी पनि गरेका छन् । प्रधानमन्त्री शेरबहादुर देउवा नेपाली कांग्रेसको सभापतिका नाताले भारतीय जनता पार्टी (भाजपा)को मुख्यालयमा गएको विषयमा विवाद आएपछि मन्त्री खड्काले स्पष्टीकरण दिएका हुन् ।
तीन दिन भारत भ्रमणमा गएका प्रधानमन्त्री देउवा शुक्रबार भाजपा मुख्यलय पुगेका थिए । जसलाई कूटनीतिक मर्यादा विपरीत भन्दै आलोचना भएको थियो । आइतबार प्रधानमन्त्री देउवा स्वदेश फर्किपछि त्रिभुवन अन्तराष्ट्रिय विमानस्थलमा सञ्चारकर्मीहरुसँग कुरा गर्दै परराष्ट्रमन्त्री खड्काले यस्तो बताएका हुन् ।
उनले भाजपाको कार्यालयमा प्रधानमन्त्रीको नाताले गएको नभई नेपाली कांग्रेसको सभापति भएको नाताले पार्टी टू पार्टी सम्बन्ध विस्तारका लागि जानुभएको बताए । कांग्रेस सभापति भएको नाताले नेपाली कांग्रेसले अरु देशका पार्टीहरुसँग मैत्रीपूर्ण सम्बन्ध राख्दै आएको उनले बताए ।
भ्रमणका क्रममा खुलेर छलफल भएको भन्दै उनले नेपाल भारतको घनिष्ट र मैत्रीपूर्ण नयाँ चाइमा पुर्याउन महत्वपूर्ण योगदान गरेको आफूहरुले महसुस गरेको समेत उनले बताएका छन् ।खड्काले नेपाल र भारतबीचका सीमा सम्बन्धी विषय संवाद र कूटनीतिक माध्यमबाट समाधान गर्नेबारे प्रधानमन्त्री शेरबहादुर देउवा भारतका प्रधानमन्त्री नरेन्द्र मोदीबीच छलफल भएको बताए ।
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...