अभियुक्त जोगाउन प्रहरीलाई सरकारी कर्मचारीको दबाब – Naya Bikalpa
November 20, 2026, Friday      Epaper

अभियुक्त जोगाउन प्रहरीलाई सरकारी कर्मचारीको दबाब

बारा । बाराका प्रमुख जिल्ला अधिकारी गणेशप्रसाद भट्टराई र सशस्त्र प्रहरी उपरीक्षक बलराम पोखरेलको सवारी दुर्घटना रहस्यमय भएको भन्दै परिवारका सदस्यले छानबिनको माग गरेका छन् ।

प्रमुख जिल्ला अधिकारीका सवारी चालक जगतनारायण राउत कुर्र्मीले नियोजित रुपमा सो दुर्घटना गराई हत्या गराएको भन्दै पोखरेल र भट्टराईको परिवारजनले किटानी जाहेरी दिँदै छानविनको माग गरेका हुन् । माघ १२ गते बाराको निजगढमा आयोजित कार्यक्रममा भाग लिएर कलैया जाँदै गर्दा पूर्व–पश्चिम राजमार्गको पसाहा पूल नजिक सो सवारी दुर्घटना भएको थियो ।

प्रजिअ भट्टराईका भाई नरेश भट्टराईले काठमाडौंमा पत्रकार सम्मेलन गर्दै उक्त घटना नियोजित भएको शंका र आशंका गर्ने ठाउँ प्रसस्त देखिएकाले छानबिनको माग गरेका छन् । उक्त घटनाको प्रकृति हेर्दा नियोजित रुपमा घटना भएको देखिएको र एउटा सामान्य चालकलाई जोगाउनका लागि बहालवाला सचिवदेखी पूर्व सचिवसम्मका, नेपाल सरकारका उच्च पदस्थ पदाधिकारीहरुले लागे पछि हामी झन आश्चर्य चकित भएका् भट्टराईले जनाएका छन् ।

उनका अनुसार घटना भएको तीन साता पुगिसक्दा पनि सामान्य केरकार बाहेक प्रहरीले अन्य अनुसन्धान गरेको नदेखनुबाट परिवारका सदस्य शसंकित भएका हुन् । उक्त घटनामा परी प्रहरी उपरिक्षक पोखरेलको घटनास्थलमा नै निधन भएको थियो भने प्रजिअ भट्टराई हाल शिक्षण अस्पताल, महाराजगञ्जमा कोमामा उपचाररत छन् । मृतक पोखरेलका परिवारले बारामा र भट्टराईका परिवारले महानगरिय प्रहरी वृत महाराजगञ्जमा किटानी जाहेरी दिएका छन् ।

चालक राउतले तिव्र गतिमा अर्थात प्रति घन्टा सय किमि भन्दा माथीको गतिमा सवारी चलाउनु र रोकिराखेको ट्रयाक्टरको ट्रेलरमा नियोजित रुपमा ठोकाउनुले शंका पैदा गरेको जनाएका छन् । घटना भए लगत्तै चालक कुर्मीले प्रहरीलगायत सवन्धित निकायलाई कुनै जानकारी नदिएकाले पनि थप शंका उत्पन्न भएको परिवारका सदस्यद्धारा जारी विज्ञप्तीमा जनाइएको छ । जबकी चालक कुर्मी दुर्घटनामा सामान्य घाइते भएका थिए ।

नरेशका अनुसार उक्त गाडीमा रहेका अंगरक्षकले सो दुर्घटना पछि चालक कुर्मीले अपत्यारिलो र असहज व्यवहार गरेको जानकारी दिएका छन् । बारा बरमपुरीका स्थायी बासिन्दा चालक कुर्मी बिगत २३ बर्षदेखी निरन्तर बारा प्रजिअको सवारी चालकको रुपमा कार्यरत छन् । उनले सिडिओको चालक भएको हैसियतमा बिचौलियाको काम गर्ने र बीरगञ्ज, कलैया र काठमार्डौको अनामनगरमा अकुत सम्पति जोडेको पिडितहरु बताउँछन् ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ फाल्गुन ६, ०९: १२

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ फाल्गुन ६, ०९: १२

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ फाल्गुन ६, ०९: १२

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...