पूर्व राष्ट्रपतिको आरोपः तीन तहकै सरकार चुरे खनेर कमिसन खाँदैछन् – Naya Bikalpa
November 20, 2026, Friday      Epaper

पूर्व राष्ट्रपतिको आरोपः तीन तहकै सरकार चुरे खनेर कमिसन खाँदैछन्

काठमाडौं । गणतन्त्र नेपालका प्रथम राष्ट्रपति डा. रामबरण यादवले संघीयता कार्यान्वन गर्न तीन तहकै सरकारले काम नगरेको गुनासो गरेका छन् । उनले तीनै तहको संघीय, प्रान्तिय र स्थानीय सरकार मिलेर कमिसन खादै चुरे क्षेत्र उत्खनन गरिरहेको आरोप लगाएका छन् ।

डा. यादवले मदन भण्डारी राजमार्ग निर्माणको नाममा चुरे क्षेत्रलाई बिनास गर्ने काम भइरहेको गुनासो समेत गरेका छन् । डिल्लीबजार कन्या कलेजको ३९ औं बार्षिकोत्सवको अवसरमा पूर्वराष्ट्रपति यादवले चुरे क्षेत्र समाप्त भए तराइमा पानीको अभाव हुने, भू–क्षय हुने र उत्पादन कम हुने चिन्ता व्यक्त गरेका हुन् ।

उनले भोलिका दिनमा मधेश र पहाडबीच विभेदको नाममा लडाइ हुनसक्ने भन्दै मुलुकको राजनीति बिग्रदै गएको आरोप लगाए । उनले जबसम्म राजनीतिमा इमान्दारीता हुँदैन तबसम्म बिकास विकास पनि नहुने भन्दै राजनीतिको नाममा व्यापार हुन थालेको भन्दै चिन्ता व्यक्त गरे । नेपालको राजनीतिमा बीपी कोइराला, गणेशमान, किसुनजी, पुष्पलाल, मनमोहन अधिकारी र गिरिजावाबुको त्याग, बलिदान, उचाई र इमान्दारिता देख्दा हाम्रो शीर गर्वले उचो हुन्थ्यो तर अहिलेको राजनीतिज्ञ देख्दा दुःख लाग्ने गरेको यादवले बताए ।

आफूले विगतमा कांग्रेसको राजनीति गर्दा त्याग र क्रियाशिलताको आधारमा मुल्यांकन हुने गरे पनि अहिले कांग्रेसमै समानुपातिक सभासद बनाउन पैसा खाने गरिएको आरोप लगाए । कांग्रेसका पूर्वमहामन्त्री समेत रहेका डा. यादवले पाँच–पाँच करोड लिएर पनि कांग्रेसमा सांसद बनाएको कुरा सुन्दा धेरै चिन्ता लाग्ने गरेको बताए । आफूले राजनीति गर्दा मुलुकको सबै भूगोल र समुदायलाई बुझ्ने सौभाग्य पाए पनि अहिलेको पुस्तामा अध्ययनशिलता नभएको आरोप लगाए ।

संविधान जारी गर्ने समयमा समेत आफूले कुनै इसारामा काम नगरेको भन्दै पूर्वराष्ट्रपति यादवले संविधानप्रति सबै भूगोल र समुदायले अपनत्व अनुभव गर्न सकोस भनेर प्रयास गरेको बताए । उनले तत्कालिन प्रधानमन्त्री सुशील कोइराला मात्र नभई सबैलाई सरकार चाहिएकोले संविधान जारी गर्न हड्बडाएका हुन् ।

तर मेरो कुरा त्यसवेलाका प्रमुख दलका नेताहरुले सुनेनन जसले गर्दा तराई मधेशमा आन्दोलन भयो । म मुलुकको हितका लागि एक्लै तराइमा उभिँदा घरमा आक्रमण भएको, बीपीको शालिक ढालिएको अनुभव बताए । उनले संघीयता कार्यान्वनय गर्न संघीय सरकारले नै काम गरे जस्तो देखिँदैन र प्रदेशका सांसद आफ्नो भूमिका नपाएर रुदै बस्न बाध्य छन् । २०२५ सालमा विश्वको ५औं धान निर्यातकर्ता देश नेपाल अहिले बाहिरबाट बर्षेनी एक खर्ब बढीको खाद्यान्न आयात गर्न बाध्य भएको बताए । उनले ब्राजिलपछिको दोश्रो जलश्रोतको धनी देश भने पनि लोडसेडिङ र सिँचाइको अभावले पीडित हुनुपरेको बताए ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ फाल्गुन २०, ०८: ४३

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ फाल्गुन २०, ०८: ४३

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ फाल्गुन २०, ०८: ४३

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...