मन्त्रिमण्डल पुनर्गठन हुँदा को जाने, को आउने ? – Naya Bikalpa
November 20, 2026, Friday      Epaper

मन्त्रिमण्डल पुनर्गठन हुँदा को जाने, को आउने ?

काठमाडौं । प्रधानमन्त्री केपी शर्मा ओलीले एक बर्षअघि गठन भएको आफ्नो नेतृत्वको मन्त्रिपरिषद पुनर्गठन गर्ने भएका छन् । फागुनमै मन्त्रिपरिषद् पुनर्गठनको तयारी गरेका प्रधानमन्त्री ओली एकपछि अर्को गदै विकसित भएको घटनाक्रमका कारण सो कामलाई पछि सार्दै आएका छन् । उनले अर्का अध्यक्ष पुष्पकमल दाहाल प्रचण्डसँगको छलफलपछि पुनर्गठनको तयारी गरेका हुन् ।

चारदेखि पाँच मन्त्रीलाई हटाउने र नयाँलाई अवसर दिने बिषयमा पनि गम्भिर छलफल भइरहेको स्रोतले बतायो । मन्त्रीहरुको कार्यसम्पादन मुल्याङ्कन गर्दा भौतिक पूर्वाधारमन्त्री रघुबीर महासेठ, सूचना तथा संचार प्रविधि मन्त्री गोकुल बाँस्कोटा, कृषीमन्त्री चक्रपाणी खनाल, उर्जामन्त्री बर्षमान पुन कमजोर देखिएको छ ।

दुईदिन पहिले जनकपुर गएका महासेठले आफू सरकारमा नरहने संकेत दिएका थिए भने खनालले आफू प्रधानमन्त्रीले भनेमा तत्काल सरकार छोड्न तयार रहेको बताउँदै आएका छन् ।

सत्तारुढ संघीय समाजवादी फोरमका अध्यक्ष समेत रहेका उपप्रधानमन्त्री तथा स्वाथ्य तथा जनसंख्या मन्त्री उपेन्द्र यादवले स्वास्थ्य मन्त्रालय छाडेर गृह र परराष्ट्रमध्ये एक दिनुपर्ने माग गरेका छन् । आफूहरुलाई गृहमन्त्रालय किन दिन नहुने भन्दै प्रधानमन्त्री ओलीसँग गुनासो गरिरहेपछि ओलीले गृह छाडेर परराष्ट्र मन्त्रालयको जिम्मेवारी दिन लागेको बालुवाटार श्रोतले जनायो ।

उपेन्द्र यादवलाई फकाउन ओलीले मालदार संस्था मानिएको बीपी कोइराला स्वास्थ्य विज्ञान प्रतिष्ठानको उपकूलपतिलाई हटाएका थिए । त्यसको ठाउँमा आफूलाई मनपर्ने व्यक्ति नियुक्त गर्न बाटो खुल्ने छ । अहिले चल्तीका मेडिकल कलेजमा एक उपकुलपतिबाट पाँच करोडभन्दा बढीको चलखेल हुने गरेको छ ।

उपेन्द्रलाई परराष्ट्र दिएपछि परराष्ट्रका युवराज ज्ञवलीलाई संचार मन्त्रालय दिने तयारी भइहरेको छ । तर ज्ञवलीले आफूलाई पर्यटन मन्त्रालय दिनु पर्ने अडान राखेका छन् । महासेठलाई भौतिक पूर्वाधारबाट हटाएर गोकुल बास्कोटालाई त्यहाँ लैजाने तयारी छ । पर्यटनमा माओवादीका लेखराज भट्टले पनि आँखा लगाएका छन् ।

माओवादीलाई पर्यटन नदिइएमा डोटीका आले र दोलखाका पार्वत गुरुङमध्ये एकलाई ल्याउने तयारी भइरहेको छ । प्रचण्डले माओवादीका बर्षमान पुनको ठाउँमा जनार्दन शर्मालाई ल्याउने तयारी गरिरहेका छन् । शर्मा उर्जामन्त्री हुँदा नै मुलुकबाट लोडसेडिङको अन्त्य भएको थियो ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ चैत्र ४, ०८: १८

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ चैत्र ४, ०८: १८

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ चैत्र ४, ०८: १८

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...