सरकारको संरक्षणमा खुल्लामञ्च अतिक्रमणकारी ठेकेदार भेटवाल – Naya Bikalpa
November 20, 2026, Friday      Epaper

सरकारको संरक्षणमा खुल्लामञ्च अतिक्रमणकारी ठेकेदार भेटवाल

अतिक्रमित टहरा भत्काउने निर्णयको सांसद प्रधानद्धारा स्वागत

काठमाडौं । खुल्लामञ्च अतिक्रमण गरी बनाइएको सटरहरु भत्काउनुको सट्टामा काठमाडौं महानगरपालिकाले थप टहरा बनाउन दिएको भन्दै काठमाडौं क्षेत्र नम्वर ६ का सांसद भिमसेनदास प्रधान लगायतका सम्पदाप्रेमीहरुको दबाब र विरोधपछि सरकारले ति टहरा भत्काएको छ ।

कहिले नेकपाका महासचिव विष्णु पौडेलले बालुवाटारको सरकारी जग्गा आफ्नै छोराको नाममा पास गरे त कहिले एमालेबाट काठमाडौको मेयरमा निर्वाचित विद्यासुन्दर शाक्यले खुल्लामञ्चमा सटर हाल्न दि एभनेर संचार माध्यमबाट विरोध हुन थालेपछि प्रधानमन्त्री केपी शर्मा ओलीले नै ति अबैद्य सटर भत्काउन निर्देशन दिनु परेको थियो ।

शनिबार विहान करिव साढे ११ बजे नेपाल प्रहरी, शसस्त्र प्रहरी र नगर प्रहरीको सुरक्षा घेराका बीच डोजर लगाएर सटर भत्काइएको हो । नयाँ बसपार्क बनाउन काठमाडौं महानगरपालिकासँग सम्झौता गरेर ठेक्का लिएका जलेश्वर स्वच्छन्द विल्डर्सका प्रोपाईटर मनोज भेटवालले खुल्ला मञ्चमा निर्माण सामग्री राख्न र वसपार्क अस्थायी रुपमा संचालन गर्नको लागि अनुमति लिएको थियो ।

तर सो कम्पनिका मालिक भेटवालले अस्थायी वसपार्कमा गत चैतदेखि ५१ वटा अस्थायी सटरहरु निर्माण गरी बैशाख २ गतेदेखि भाडामा दिएका थिए । उनले प्रति सटर १२ हजार रुपैयाँसम्म असुलेर सो सटर भाडामा दिएका हुन् । बनाइएका नयाँ सटर मात्र महानगरपालिकासँग भएको सम्झौता विपरितका हुन । तर महानगरपालिकाले करिव एक रोपनी खुल्लामञ्चको जग्गा भने अस्थायी रुपमा सञ्चालन गर्नको लागि अनुमति दिएको थियो ।

खुल्ला मञ्चमा सटर र टहरा निर्माण भएको थाहा पाएर पनि महानगरका मेयर बिद्या सुन्दर शाक्यले देखेको नदेखि बसेका थिए । तर प्रमुख प्रतिपक्षी दल नेपाली कांग्रेसका नेता एवम् पूर्व रक्षामन्त्री भीमसेनदास प्रधानले संसददेखि सार्वजनिक स्थलमा खुल्ला क्षेत्र अतिक्रमणको चपेटामा परेको भन्दै बारम्बार बिरोध गर्दै आएका थिए ।

महानगरपालिकाका प्रमुखलाई बारम्बार भन्दा समेत नमानेकोले आफूले सडकमा नै प्रदर्शन गर्नु परेको प्रधानले बताएका छन् । महानगरले नमान्दा प्रधानमन्त्री केपी शर्मा ओलीले नै कडा निर्देशन दिएर खुल्ला मञ्चका सटर हटाईएको भन्दै सांसद प्रधानले प्रधानमन्त्री ओलीलाई धन्यवाद दिएका छन् । शनिबार राजधानीमा आयोजित एक साक्षात्कार कार्यक्रममा उनले खुल्लामञ्चको सटर हटाउनको लागि प्रधानमन्त्री ओलीको भूमिकाको सह्रहना पनि गरे ।

प्रदेश नम्बर ३ का सांसद विराजभक्त श्रेष्ठले खुल्लामञ्चका सटर हटाउन सफल भएकोमा खुसी व्यक्त गर्दै खुल्लामञ्चका सटर हटाउन नै हाम्रो जीत नभइ सानो उपलब्धिमात्रै भएको वताए । काठमाडौं–२८ नम्बर वडाका वडाअध्यक्ष भाईराम खड्गी र सम्पदा बचाउ अभियान संघर्ष समितिका अध्यक्ष गणपतिलाल श्रेष्ठले खुल्लामञ्चका सटर हटाउन दबाब दिएको भन्दै आगामी दिनमा आफ्नो वार्ड भित्रको कुनै पनि सार्वजनिक जग्गा अतिक्रमण हुन नदिने बताए ।

झापाको सुरुङा स्थायी घर भएका भेटवाल पहिलेदेखि नै अटेरी ठेकेदारको रुपमा चिनिन्छन । उनले प्रतिनिधिसभा अन्तरगतको सार्वजनिक लेखा समितिले कलंकीस्थित चौकमा चाईना सरकारसँग भएको सम्झौता बमोजिम अण्डरपास बाटो निर्माण हुने भएकोले आकाशे पुल नबनाउनु दिएको निर्देशन समेत उलंघन गरेका थिए ।

उनले बसपार्कमा भ्यू टावर निर्माण गर्ने भनी २०६९ सालमा कामठाडौं महानगरपालिकासंग ठेक्का सम्झौता गरेपनि हालसम्म १० प्रतिशत पनि काम भएको छैन् । यो ठेकेदार कम्पनीले यही बर्षभित्र सो भ्यु टावर निर्माण गरिक्ने भनी महानगरपालिकासँग सम्झौता गरेको थियो ।



सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७६ बैशाख १६, ०९: ३३

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७६ बैशाख १६, ०९: ३३

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७६ बैशाख १६, ०९: ३३

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...