जनजागरण अभियानसँग प्रशिक्षण – Naya Bikalpa
November 20, 2026, Friday      Epaper

जनजागरण अभियानसँग प्रशिक्षण

काठमाडौं । नेपाली कांग्रेसले सत्ताको आडमा सरकारले गरेका गलत क्रियाकलाप विरुद्ध भण्डाफोर र उजागर गर्दै पार्टीमा आन्तरिक जागरण पैदा गर्न आगामी बैशाख २५ गतेबाट शुरु गर्ने जनजागरण अभियानमा गोष्ठी, भेला, अन्तरक्रिया र गोष्ठीका अतिरिक्त प्रशिक्षण कार्यक्रम पनि आयोजना गर्ने भएको छ ।

पार्टी उपसभपाति तथा पार्टीको केन्द्रीय नीति, अनुसन्धान तथा प्रशिक्षण प्रतिष्ठानका संयोजक विमलेन्द्र निधिले जनजागरण अभियानलाई टेवा पुर्याउन र उत्साह थप्न प्रशिक्षण कार्यक्रमलाई सँगसँगै लैजाने बताएका हुन् । केन्द्रीय नीति, अनुसन्धान तथा प्रशिक्षण प्रतिष्ठानको सदस्यमा नियुक्त भएका ४८ जना सदस्यहरुलाई पहिलो पटक आयोजना गरिएको सपथ ग्रहण कार्यक्रममा उपसभापति निधिले यस्तो बताएका हुन् ।

सपथ ग्रहणपछि प्रतिष्ठानका सदस्यहरुलाई निर्देशन दिँदै सभापति शेरबहादुर देउवाले अनुशासनरहित पार्टी कहिल्यै पनि बलियो नहुने बताए । उनले पार्टीको तल्लो तहका कार्यकर्तासम्म पुगेर अनुशाशित पार्टी कसरी बनाउन सकिन्छ भनेर प्रशिक्षित गर्न आग्रह गरे । प्रशिक्षण दिनेहरुले आगामी चार बर्षमा हुने सबै निर्वाचनमा कांग्रेसलाई कसरी एक नम्वरको पार्टी बनाउन सकिन्छ भन्ने तर्फ ध्यान दिन आग्रह गरे ।

उनले अहिलेको जस्तो आचरणले पार्टीका अनुशासन कायम गर्न नसकिने बताए । पार्टीले आफ्नैका कारण चुनाव हारेको भन्दै देउवाले जित्नेलाई हार्नेले सहयोग गर्ने परम्पराको शुरुआत गर्नु जरुरी भएको बताए । पार्टीको १३ औं महाधिवेशन सम्पन्न भएको दुई बर्षपछि गत बर्ष बैशाख २१ गते पार्टी उपसभापतिमा नियुक्त भएका विमलेन्द्र निधिले साउन २ गते पुरुषोत्तम दाहाललाई प्रतिष्ठानको कार्यकारी निर्देशकमा नियुक्त गरेका थिए ।

दाहाललाई नियुक्त गरेको करिव ८ महिनापछि मात्र उपसभपाति निधिले प्रतिष्ठानमा पहिलो ३८ र पछि १० जनालाई सदस्यमा नियुक्त गरेका थिए । प्रतिष्ठानको सदस्यमा हरेक प्रभावशाली नेता र पदाधिकारी निकटका कार्यकर्ताहरु धेरे राखिएको छ । बरिष्ठ पत्रकार हरिहर विरही र नेपाल प्रत्रकार महासंघका पूर्वअध्यक्ष तारानाथ दाहाल सदस्य छन् । प्रतिष्ठनमा पार्टी सभापतिकी पत्नी डा. आरजु राणा देउवादेखि राष्ट्रिय योजना आयोगका पूर्वउपाध्यक्ष गोविन्द पोखरेल र जगदीशचन्द्र पोखरेल पनि सदस्य छन् ।

सम्बन्धित समाचार

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७६ बैशाख २३, ०८: २४

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७६ बैशाख २३, ०८: २४

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...

प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
  • २०७६ बैशाख २३, ०८: २४

काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...