रहेनन् उद्यमी जबरा – Naya Bikalpa
November 20, 2026, Friday      Epaper

रहेनन् उद्यमी जबरा

काठमाडौं । ढाडको शल्यक्रिया गरेर अमेरिकामा रहेका प्रभाकर शमशेर जबराको ८४ वर्षको उमेरमा जेठ १७ बिहान ३ बजे अमेरिकाको न्यूयोर्कमा निधन भएको पारिवारिक स्रोतले बताएको छ ।

सोल्टी ग्रुपको चेयरम्यान इमिरेट्स रहेका जबराले सोल्टी होटल, सिप्रदी ट्रेडिङ, सूर्य नेपाल लगायत व्यापारिक प्रतिष्ठान सञ्चालन गर्नुका साथै चिया र जलविद्युत्मा पनि लगानी रहेको छ । सम्पन्न राणा घरानाबाट व्यावसायिक क्षेत्रमा आएका प्रभाकर शमशेर पाटा नेपाल च्याप्टरका संस्थापक अध्यक्ष थिए ।

होटल एशोसिएसन अफ नेपाल, नेपाल हेरिटेज फाउण्डेसन, नेपाल भारत चेम्बर अफ कमर्स एण्ड इन्डस्ट्री र अमेरिकन हिमालयन फाउण्डेसन नेपालका संस्थापक अध्यक्ष पनि हुन् ।

जबरा राणा परिवारबाट व्यावसायिक क्षेत्रमा आउने पहिलो पुस्ताका उद्यमी हुन् । जबराको अमेरिकामै अन्त्येष्टि गरिने छ । उनका एक छोरा सिद्धार्थ शमशेर एक छोरी माया राणा छन् । छोरा सिद्धार्थ पारिवारिक व्यावसायिक विरासत हाँकिरहेका छन् भने छोरी माया अमेरिकामा बस्दै आएकी छिन् ।

जबराको जन्म २६ नोभेम्बर १९३५ मा सिंहदरबारमा भएको थियो । उनी पहिलो प्रहरी महानिरीक्षक नरशमशेर जबराका छोरा हुन् । प्रभाकर शमशेरका दुई दिदीहरू प्रिन्सेप र हेलेनको राजा महेन्द्रका भाइहरू क्रमशः हिमालय र वसुन्धरासँग विवाह भएको थियो ।

सन् १९६५ मा स्थापना गरेको होटल सोल्टी नेपालको पहिलो पाँचतारे होटल हो । २५ नोभेम्बर १९६६ मा राजा महेन्द्रले उद्घाटन गरेको उक्त होटलले नेपालमा गुणस्तरीय पर्यटक भित्र्याएको छ ।

होटल एशोसिएसन अफ नेपालले आफ्ना संस्थापकको निधनप्रति गहिरो शोक व्यक्त गरेको छ । संघकी अध्यक्ष सृजना राणाले प्रभाकर शमशेरको निधनले देशले ठूला उद्यमी र व्यावसायिक श्रष्टा गुमाएको बताइन् । उहाँको निधनले पर्यटन व्यवसाय र संरक्षण क्षेत्रको टावरिङ पर्सनालिटी गुमेको छ ।

स्वर्गीय प्रभाकर शमशेरले सुविख्यात त्रिशक्ति पट्ट (२००१), प्रसिद्ध प्रबल गोरखा दक्षिणबाहु (सन् १९९६), गौरवमय सुप्रदीप्त वीरेन्द्र प्रजातन्त्र भाष्कर (२००२) लगायत राष्ट्रिय सम्मान प्राप्त गरेका थिए । त्यस्तै, उनले इटलीको विश्व सांस्कृतिक पुरस्कार (सन् १९८५),अफिसर अफ द मस्ट एक्सलेन्ट अर्डर अफ द ब्रिटिस इम्पायर (१९८७) लगायत अन्तर्राष्ट्रिय सम्मान तथा पुरस्कार पाएका थिए ।

सम्बन्धित समाचार

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७६ जेष्ठ १७, ०९: ४८

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७६ जेष्ठ १७, ०९: ४८

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...

प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
  • २०७६ जेष्ठ १७, ०९: ४८

काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...