संसदमै सरकारसँग गुहार माग्ने को हुन् ? – Naya Bikalpa
November 20, 2026, Friday      Epaper

संसदमै सरकारसँग गुहार माग्ने को हुन् ?

काठमाडौ । राष्ट्रिय सभाको संसद बैठक दैनिक जसो यतिवेला चलिरहेको छ । भदौ १२ गते विहिबार भने सदन भित्रै ठूलो स्वरमा एउटा आवाज आयो, गुहार.. गुहार.. सरकार भन्दै । यसरी सदनको कारबाही चलिरहँदा गुहार माग्ने माननीय अरु कोही नभएर सत्तारुढ नेकपाका सांसद सांसद रामनारायण बिडारी हुन् ।

अघिल्लो संविधानसभामा तत्कालिन नेकपा माओवादी केन्द्रको कोटामा मन्त्रिपरिषद्को सिफारिसमा सांसद भएका उनै बिडारीले विहिवार विशेष समय लिएर बोल्दा बोल्दै गुहार मागेपछि सदनमा उपस्थित भएका मन्त्री, सांसद, संसद सचिवालयका कर्मचारीदेखि पत्रकार र दर्शकदीर्घामा रहेका समेत छक्क परे ।

बैठकको अध्यक्षता गरिरहेकी राष्ट्रिय सभाकी उपाध्यक्ष शशिकला दाहाल पनि अचम्ममा परिन । थानकोटबाट चित्लाङ जोड्ने सडक निर्माण गर्ने नाममा बन बिनास गर्दै अर्बौंको ठेक्का लगाएर ढुंगा बेच्नेहरु अपराधी भएको भन्दै आक्रोस पोख्न शुरु गरेका सांसद बिडारीले भने ‘सरकारलाई मैले कहाँ भनौं ? गुहार गुहार भनेर त्यहाँका जनता कराई रहेका छन् ।’ सांसद बिडारीले देशभरीका निर्माण कार्यमा अनियमितता गर्दै भ्रष्ट कर्मचारी र अपराधी ठेकेदार मिलेर नेपाल सिध्याउनै लागेको भन्दै आक्रोस पनि पोखे ।

सांसद बिडारीले स्वदेश र विदेशमा रजाईं गर्ने ठेकेदारहरुले देशैभर यस्ता रजाईं धेरै गरेको भन्दै थानकोटदेखि चित्लाङ जाने सकड निर्माणको नाममा जंगल मासेको र रोडा ढुंगा उत्खनन गरेर बेचिरहेको आरोप लगाएका थिए । उनले यस्तो हर्कत गर्दा समेत सरकारका जिम्मेवार कर्मचारी र मन्त्री उदासिन भएको तथा आफूले यत्रो गुनासो गर्दा समेत सदनप्रति मन्त्री जवाफेदेही नभएको आरोप लगाए ।

उनले राष्ट्रिय सभाको नियमावली अनुसार सांसदल उठाएको प्रश्नको मन्त्रीले ७ दिन भित्र जवाफ दिनु पर्ने भए पनि ओली नेतृत्वको सरकारका मन्त्रीहरु वेखवर भएको टिप्पणी गरे ।

कालिमाटी र टेकु जोड्ने विष्णुमतिको पुल करोडौं करोड खर्च गरेर बनाएपछि यस्तो र उस्तो भएन भन्ने उच्चपदस्त कर्मचारीले बनाउन्जेल कर्मचारीले अनुगमन नगरी आँखा चिम्लेर किन बस्नु परेको भन्दै प्रश्न गरे ? कानून व्यवसायी समेत रहेका बिडारी थाहा आन्दोलनका अभियन्ता रुपनारायण विष्टका अनुयायी पनि हुन ।

सम्बन्धित समाचार

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७६ भाद्र १७, ०७: ३१

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७६ भाद्र १७, ०७: ३१

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७६ भाद्र १७, ०७: ३१

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...