एकीकृत समाजबादीका नेतालाई भेटेर एमाले नेताहरुले राष्ट्रपतिका उम्मेदवार नेम्वाङका लागि मागे भोट – Naya Bikalpa
November 19, 2026, Thursday      Epaper

एकीकृत समाजबादीका नेतालाई भेटेर एमाले नेताहरुले राष्ट्रपतिका उम्मेदवार नेम्वाङका लागि मागे भोट

काठमाडौँ । एकीकृत समाजवादीका नेताहरूसँग नेकपा एमालेका शीर्ष नेताहरूले राष्ट्रपति निर्वाचनमा एमाले उम्मेदवार सुवासचन्द्र नेम्वाङलाई मत हाल्न आग्रह गरेका छन् ।
नेम्वाङको पक्षमा मत माग्न एमाले नेताहरू नेकपा एकीकृत समाजवादीको कार्यालय पुगेका थिए ।

एमाले नेताहरु नेम्वाङसहित उपाध्यक्ष विष्णु पौडेल, पृथ्वी सुब्बा गुरुङसहितले नेकपा एकीकृत समाजबादीका अध्यक्ष माधवकुमार नेपाल, महासचिव बेदुराम भुषालसहितका पार्टीका पदाधिकारीहरूसँग भेटेर लामो कुराकानी गरेका छन् ।

आलोकनगरस्थित एकीकृत समाजवादीको पार्टी कार्यालयमा भएको दुई पार्टीका नेताहरूको भेटमा एमाले नेताहरूले मत माग्नुका साथै पार्टी एकताको प्रस्ताव गरेका थिए ।

भेटवार्तापछि एमाले उपमहासचिव पृथ्वी सुब्बा गुरुङले राष्ट्रपति निर्वाचनका सन्दर्भमा विभिन्न पार्टीहरूसँग छलफल चलाउने पार्टी निर्णय अनुसार एकीकृत समाजवादीका नेताहरूसँग पहिलो भेटवार्ता गरेको बताए ।

सुवासचन्द्र नेम्वाङको पक्षमा मतदान गर्न अपिल र आग्रह ग¥यौँ, कुराकानी सकारात्मक कुरा भयो’, गुरुङले भने, ‘अव दुई पार्टीबीचको एकता प्रक्रिया अघि बढाउन चुनौतिकाबीचमा अवसर प्राप्त भएको छ । त्यो अवसरलाई अधिकतम प्रयोग गर्नुपर्छ भन्ने कुरा हाम्रोबीचमा एक खालको सहमति भएको छ ।’

उनले पुन भेटघाट र छलफल गर्दै अघि बढ्ने साझा सहमति बनाउन दुवै पक्षबीच सहमति भएको दाबी गरे । विगतका आग्रहपूर्वाग्रह, रिसराग द्वेष छाडेर अघि बढ्न दुवै पक्ष तयार भएको बताए ।

एकीकृत समाजवादीका उपमहासचिव तथा प्रचार विभाग प्रमुख जगन्नाथ खतिवडाले एमाले नेताहरुबीच संवादको थालनी भएको भन्दै यसले सकारात्मक सन्देश दिएको बताए । एमाले नेताहरूले बिहीबारै राप्रपा र राष्ट्रिय स्वतन्त्र पार्टीका अध्यक्षलाई भेटेर मत मागेका छन् ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७९ फाल्गुन १८, १३: ४०

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७९ फाल्गुन १८, १३: ४०

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७९ फाल्गुन १८, १३: ४०

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...