दुई सैन्य अधिकृतलाई उपस्थित गराउन सर्वोच्चले दिएको आदेश अटेर गर्दै जंगी अड्डा – Naya Bikalpa
November 19, 2026, Thursday      Epaper

दुई सैन्य अधिकृतलाई उपस्थित गराउन सर्वोच्चले दिएको आदेश अटेर गर्दै जंगी अड्डा

काठमाडौं । नेपाली सेनाका उपरथी प्रेम शाहीलाई सहयोग गरेको भन्दै पक्राउ परेका दुई सैन्य अधिकृतलाई अदालतमा उपस्थित गराउनु भन्ने सर्वोच्च अदालतको आदेशलाई नेपाली सेनाको जंगी अड्डा नमान्ने संकेत देखाएको छ ।

उपरथी शाहीलाई सघाएको आरोपमा पक्राउ परेका नेपाली सेनाको कानुन हेर्ने निकाय प्राड विवाकका प्रमुख सेनानी कुलदिप तिम्सिना र महासेनानी महेन्द्रजंग शाहलाई तीन दिनभित्र उपस्थित गराउन बुधबार सर्वोच्च अदालतले आदेश दिएको थियो। तर सर्वोच्चको सो आदेशलाई घुमाउरो पाराले अश्वीकार गर्न सेनाले पत्र नै बुझ्न आनाकानी गरेको छ ।

सर्वोच्च अदालतका न्यायाधीश हरि फुयाँलको इजलासले म्याद सूचना प्राप्त भएको मितिले ३ दिनभित्र महान्यायाधिवक्ताको कार्यालयमार्फत बन्दीसहित लिखित जवाफ पेश गर्न आदेश दिएको थियो । अदालतले अनुसन्धान सम्बन्धी मुख्य कागजातहरुको प्रमाणित प्रतिलिपि समेत मगाएको छ।

बिहीबार सर्वोच्चको आदेश दर्ता गर्न पुगेका अदालतका कर्मचारी र आफन्तलाई जंगीअड्डाको दर्ता शाखा पुगेका थिए । तर, सेनाले आदेश दर्ता गर्न अटेर गरेको छ । जंगी अड्डा प्रतिकुलका आदेश वा पत्रहरु जंगी अड्डाका सैन्य अधिकृत र कर्मचारीले बुझ्न नमान्ने पुरानै संस्कार हो ।

पत्र बुझ्ने कर्मचारी बैठकमा गएको भनेर तीन घन्टाभन्दा बढी कुराएको र अन्तिममा पत्र नबुझेको पारिवारिक श्रोतले बतायो । सैनिक सूचना तथा जनसम्पर्क निर्देशनालयले यस सम्वन्धमा कुनै पनि प्रतिक्रिया वा सूचना सार्वजनिक गरेको छैन ।

शाह सेनाको मानवअधिकार निर्देशनालयमा र तिम्सिना पूर्वीपृतना प्राड शाखा कार्यालयमा कार्यरत थिए । बुधबार जंगीअड्डा बोलाइएका उनीहरुलाई उपस्थित हुने वित्तिकै नियन्त्रणमा लिइएको थियो। केहीअघि उनीहरुको मोबाइल समेत सेनाले नियन्त्रणमा लिएको थियो।

सेनाले दुवै जनालाई पक्राउ गरिएको समेत स्वीकारेको थिएन । तर, साँझ उनीहरुलाई हिरासतमा राखिएको छ । पक्राउ परेलगत्तै गैरकानूनीरुपमा थुनामा राखिएको भन्दै दुवै सैनिक अधिकृतले सर्वोच्च अदालतमा बन्दी प्रत्यक्षीकरणको रिट दिएका थिए ।

सेनाले भने उनीहरुलाई सोधपुछ मात्र गरिएको जनाएको छ । केही दिनदेखि जिम्मेवारी खोसिएका दुबै सैन्य अधिकृतलाई बुधबार सैनिक प्रहरीले पक्राउ गरेको थियो । सैनिक अनुशासन विपरितको कार्य गरेको अभियोगमा थुनामा राखिएलगत्तै उनीहरुको तर्फबाट अदालतमा रिट परेको थियो ।

 

सम्बन्धित समाचार

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७९ फाल्गुन १८, १७: १५

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७९ फाल्गुन १८, १७: १५

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...

प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
  • २०७९ फाल्गुन १८, १७: १५

काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...