दिगो शान्ति, विकास, सुशासन र समृद्धिको बाटोमा लाग्न राष्ट्रपतिको सुझाव – Naya Bikalpa
November 19, 2026, Thursday      Epaper

दिगो शान्ति, विकास, सुशासन र समृद्धिको बाटोमा लाग्न राष्ट्रपतिको सुझाव

 

काठमाडौं । नवनिर्वाचित राष्ट्रपति रामचन्द्र पौडेलले दिगो शान्ति, विकास, सुशासन र समृद्धिको बाटोमा लाग्न सरकारका मन्त्री र जनप्रतिनिधिहरुलाई आग्रह गरेका छन्।

नेपालको संविधानको धारा ६२ बमोजिम गणतान्त्रिक नेपालको तेस्रो राष्ट्रपतिको रुपमा निर्वाचित भएपछि संघीय संसद र प्रदेश सभाका सदस्यहरुलाई धन्यवाद दिन राष्ट्रपतिको सरकारी निवास शीतलनिवासमा शनिबार विहान आयोजित कार्यक्रममा राष्ट्रपति पौडेलले यस्तो आग्रह गरेका हुन्।

उनले प्रदेश र स्थानीय तहका साथै नीजि क्षेत्रको समेत सहकार्यमा उच्चतम प्रतिफल प्राप्त गरी प्रतिफलको समुचित वितरणबाट जनताको ईच्छा र आकांक्षा सम्बोधन गर्नु पर्नेतर्फ जनप्रतिनिधिहरुको ध्यानाकर्षण समेत गराए ।

‘मेलमिलाप र राष्ट्रिय एकताकै माध्यमबाट हामीले कठिन समयमा पनि समस्याको सहज समाधान निकाल्न सकेको इतिहास मनन् गर्दै हामी सवै एकतावद्ध हुन जरुरी छ’, राष्ट्रपति पौडेलले संवोधनमा भने।

उनले राष्ट्रपति संस्थाले निर्वाह गर्ने भूमिकाले संविधान, सुशासन, व्यवस्थाको अभ्यास प्रभावित हुने भएकाले संविधानले निर्दिष्ट गरे बमोजिम कार्य;म्पादन गर्दा निष्पक्षता, तटस्थता तथा विधिको पालनामा प्रतिवद्ध हुने प्रण गरेका छन्।

नेपालको राष्ट्रिय एकताको प्रवर्धन, स्वाधिनताको रक्षा, संविधानको पालना र संरक्षण गर्ने, संवैधानिक जिम्मेवारी आफ्ना मार्गदर्शक सिद्धान्त रहेने जनाए। राष्ट्रपतिका काम, कर्तव्य तथा जिम्मेवारी वहन गर्दा संविधानप्रदत्त मर्यादा तथा संविधानका अक्षरस भावनालाई आत्मसाथ गरी दिगो शान्ति, सुशासन, विकास र समृद्धिका आकांक्षा पूार गर्ने राष्ट्रिय अभियानमा सँधै तत्पर रहने राष्ट्रपति पौडेलले बताए।

‘लोकतान्त्रिक शासन व्यवस्थामा लोकतान्त्रिक संस्थाहरु बलिया र कानुनसम्मत भएनन् भने त्यस्ता संस्थाप्रति नागरिकका विश्वास धर्मराउने र व्यवस्थाप्रति वितृष्णा जाग्न सक्ने हुनाले यसतर्फ हामी सजग रहन जरुरी छ भन्नेमा म दृढ छु’ राष्ट्रपति पौडेलले भने, ‘मुलुकमा अहिले पनि थुप्रै चुनौतीहरु छन्। कोभिड माहामारीपछि विश्वव्यापी रुपमा देखिएको आर्थिक सुस्तताको असर नेपालमा समेत देखिन थालेको छ । संक्रमणकालीन न्यायको व्यवस्थापन, आर्थिक क्षेत्रमा देखिन थालेका असर एवम् जलवायु परिवर्तनले देखापर्न थालेका असरहरुको न्यूनिकरण तथा राजनैतिक उपलब्धिहरुको रक्षा जस्ता विषयमा राष्ट्रिय सहमति र राष्ट्रिय एकताको आवश्यकता मैले देखेको छु।’

 

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७९ चैत्र ४, १८: ४२

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७९ चैत्र ४, १८: ४२

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७९ चैत्र ४, १८: ४२

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...