कान्ति अस्पतालमा उपचार नपाएर वालिका मृत्यु प्रकरणको छानबि गर्न सांसदहरुको माग – Naya Bikalpa
November 19, 2026, Thursday      Epaper

कान्ति अस्पतालमा उपचार नपाएर वालिका मृत्यु प्रकरणको छानबि गर्न सांसदहरुको माग

काठमाडौं। प्रतिनिधि सभाका सांसदहरुले कान्ति बाल अस्पतालको आकश्मिक कक्षमा उपचार नपाएर एक बालिकाको मृत्यु भएको विषयप्रति सरकारको ध्यानाकर्षण गराउँदै छानबिनको माग गरेका छन्।

प्रतिनिधिसभाको विहीबारको बैठकको शुन्य र विशेष समयमा बोल्दै सांसदहरुले काठमाडौंको मुटुमा रहेको कान्ति वाल अस्पतालले समेत समयमा उपचार नगर्दा बालिकाको मृत्यु भएको भन्दै दोषीउपर कारबाही गर्न माग गरेका हुन्।

पूर्वस्वास्थ्यमन्त्री समेत रहेका कांग्रेसका महामन्त्री गगन थापाले अस्पतालमा दुई घण्टा पालो कुर्दा पनि उपचार नपाएर मृत्यु हुनुपर्ने अवस्था किन आयो भन्दै सरकारसँग जवाफ माग गरे। उनले राजधानीमा यस्तो हालत छ भने वाहिरका जिल्लामा कस्तो होला? भनी प्रश्न गरे।

उच्च ज्वरोसहितको समस्या भएपपछि कान्ति बाल अस्पताल पु¥याइएकी बालिका रेजिशा गोपालीको उपचारका लागि पालो कुर्दाकुर्दै निधन भएको थियो। सोही घटनालाई लिएर बिहीबार सांसदहरुले सरकारको जवाफ माग्नेदेखि दोषीउपर कारबाही र सर्वसुलभ स्वास्थ्य सेवाको व्यवस्था गर्न माग गरेका हुन्।

सांसद गणेश पराजुलीले उपचार नपाई वालिका मृत्यु कसको लापरवाहिले भएको हो भन्ने विषयमा छानबिन गर्नु पर्ने बताए। सांसद रञ्जुकुमार झाले संविधानमा शिक्षा र स्वाथ्य मौलिक अधिकार भनिए पनि नेपाली नागरिकले सर्वसुलभ स्वास्थ्य उपचार नपाउनु दुर्भाग्य भएको बताइन्।

गगन थापा, महेश बर्तौला, चन्दा कार्की, सुमना श्रेष्ठलगायतका अधिकांश सांसदले काठमाडौंमै उपचार नपाएर बालिकाले मृत्युवरण गर्नुपर्ने अवस्था लज्जास्पद रहेको र यसले देशको स्वास्थ्य सेवाको दुर्दशा देखाएको बताए।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८० भाद्र २१, १७: १६

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०८० भाद्र २१, १७: १६

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०८० भाद्र २१, १७: १६

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...