
हेलसिन्की। गत अप्रिलमा निर्वाचनमा पराजित सोसल डेमोक्रयाट्स पार्टीकी नेतृ तथा पूर्वप्रधानमन्त्री सन्ना मरिनले बिहीबार आफ्नो संसदीय पदबाट राजीनामा दिएर बेलायती गैरनाफामुलक संस्थाको परामर्शदाता बन्ने घोषणा गरेकी छन्।
मरिनले बेलायती पूर्वप्रधानमन्त्रीको नाममा स्थापना भएको ‘टोनी ब्लेयर इन्स्टिच्युट फर ग्लोबल चेन्ज’मा रणनीतिक परामर्शदाता नियुक्त भएको बताएकी छन्। ‘म फिनल्याण्डका लागि अन्य क्षमतामा पनि काम गर्न सक्छु । यो यस्तो काम हो जुन मलाई लाग्छ कि फिनल्याण्डलाई समग्र रूपमा फाइदा हुनेछ ।’ उनले भनिन् ।
मरिनले भनिन्, ‘मसँग परिचित नीतिगत विषयमा विभिन्न देशका सरकार र नेताहरूलाई सल्लाह दिनेछु।’ सञ्चारमाध्यमले ‘रक स्टार प्राइम मिनिस्टर’ को संज्ञा दिएकी मरिनले फिनल्यान्डको आमनिर्वाचनमा आफ्नो असाधारण लोकप्रियतालाई निरन्तरता दिन सकेकी थिइनन्।
त्यसपछि मरिनले पार्टी नेतृत्वबाट राजीनामा दिएकी थिइन्। प्रधानमन्त्रीका रूपमा आफ्नो चार वर्षे कार्यकालमा असर परेको स्वीकार गर्दै उनले भनेकी थिइन्, ‘कहिलेकाहीं मेरो आफ्नै सहनशीलताको परीक्षण भएको छ ।’
अत्यन्त लोकप्रिय नेता भए तापनि मरिन आफ्नो निजी जीवनका कारण विवादमा आएकी थिइन्। अगष्ट २०२२ मा, मरिनले फिनल्याण्डका सेलिब्रेटीहरूको एक समूहसँग पार्टी गरेको सामाजिक सञ्जालका भिडियोहरू लिक भएका थिए जसले गर्दा उहाँलाई गलत कामको शङ्का हटाउन लागुऔषध परीक्षण गर्न प्रेरित गरेको थियो ।
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...