नेम्वाङको अन्त्येष्टि बिहीबार, पार्थिव शरी बुधबार १ बजेपछि घरमा राखिने – Naya Bikalpa
November 19, 2026, Thursday      Epaper

नेम्वाङको अन्त्येष्टि बिहीबार, पार्थिव शरी बुधबार १ बजेपछि घरमा राखिने

काठमाडौं। संविधान सभाका अध्यक्ष सुभाषचन्द्र नेम्वाङको पार्थिव शरीरको अन्त्येष्टि पर्सि (बिहीबार) बिहान ११ बजे गरिने भएको छ।

नेम्वाङका दुई छोराहरु बुधबार अपरान्ह मात्र नेपाल आइपुग्ने भएपछि उनको अन्तिम संस्कार बिहिबार मात्र गरिने भएको हो।

सरकारले नेम्वाङलाई राजकीय सम्मान दिने निर्णय गर्दै अन्त्येष्टिका दिन शोक विदा दिने निर्णय गरेको छ। एमालेले पनि शोकमा पार्टीका अन्य सबै औपचारिक कार्यक्रमहरू स्थगित गरेको छ। एमालेले पार्टीको झण्डा तीन दिन आधा झुकाउने निर्णय गरेको छ।

बेलायतमा रहेका नेम्वाङका जेठा छोरा मिङ्सो नेम्वाङ भोलि दिउँसो ४ बजेपछि मात्रै नेपाल आइपुग्दै छन्। १५ दिन अघि अष्ट्रेलिया गएका कान्छा छोरा सुहाङ भने आजै राति ११ बजे काठमाडौं पुग्नेछन्।

छोराहरू आएपछिमात्रै अन्त्येष्टि गर्ने परिवारले आग्रह गरेका कारण भोलि दिउँसो १२ बजेसम्म नेम्वाङको पार्थिव शरीर पार्टी केन्द्रीय कार्यलय च्यासलमा राखिने र त्यसपछि निवासमा लागिने एमाले उपमहासचिव प्रदीप ज्ञवालीले जानकारी दिए।

नेम्वाङका श्रीमती २ छोरी र २ छोरा छन्। छोरीहरू भने काठमाडौंमा नै छन्। नेम्वाङको हृदयघातका कारण सोमबार राति ३ बजे शिक्षण अस्पताल महाराजगञ्जले मृत घोषणा गरेको थियो।

घरमा लगेपछि उनको किराँत संस्कृति अनुसारको कर्म गरी विहीबार मात्र पशुपति आर्यघाटमा अन्त्येष्टि गरिने छ।

 

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८० भाद्र २६, १८: २२

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८० भाद्र २६, १८: २२

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८० भाद्र २६, १८: २२

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...