जिल्ला न्यायाधीशको परीक्षार्थी २११ जना, उतिर्ण भए पारसमणि मात्र – Naya Bikalpa
November 19, 2026, Thursday      Epaper

जिल्ला न्यायाधीशको परीक्षार्थी २११ जना, उतिर्ण भए पारसमणि मात्र

काठमाडौं। न्याय सेवा आयोगले जिल्ला न्यायाधीश २९ पदमा नियुक्ति गर्नका लागि दरखास्त आव्हान गरे बमोजिम लिखित परीक्षामा २११ जना परिक्षार्थी भाग लिए पनि एक जना मात्र उत्तीर्ण भएका छन्।

गत साउन १६ गतेदेखि २० गतेसम्म संचालित परीक्षामा २११ जना सहभागी भए पनि पारशमणि पोखरेलले मात्र लिखित परिक्षा उतिर्ण गर्न सफल भएका छन्।

न्याय सेवा आयोगले आइतबार जारी गरेको सूचना अनुसार परीक्षा दिएका मध्ये जिल्ला न्यायाधीशको पदमा पारसमणि पोखरेलको मात्र नाम उत्तीर्ण सूचीमा राखेपछि उनी एक मात्र जिल्ला न्यायाधीश बन्ने भाग्यमानि बनेका छन्।

न्याय सेवा आयोगले आन्तरिक खुल्ला, खुल्ला, महिला, जनजाति, मधेसी र दलित गरेर २९ जना जिल्ला न्यायाधीशको लागि विज्ञापन खुलाएको थियो। तर, परीक्षा दिएका २११ जना अनुत्तीर्ण भएसँगै विज्ञापन खोलिएका पदपूर्ति हुन सकेन।

लिखित परीक्षामा उत्तीर्ण भएका पोखरेलको सोमबार अन्तर्वार्ता हुने आयोगले जानकारी दिएको छ।

यसअघि पनि जिल्ला न्यायाधीश पदका लागि भएको परीक्षामा परीक्षार्थीहरुबाट थौरै मात्रै उत्तीर्ण हुने गरेका थिए।

संविधानको धारा २४९ (२) को खण्ड (ख) र (ग) बमोजिम कूल रिक्त पदहरुमध्ये ४० प्रतिशत पदमा कानूनमा स्नातक उपाधि प्राप्त गरी न्याय सेवाको राजपत्राङ्कित द्वितिय श्रेणी (उपसचिव) को पदमा कम्तीमा तीन वर्ष काम गरेका अधिकृतमध्ये खुला प्रतिष्पर्धाबाट पदपूर्ती हुने व्यवस्था छ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८० आश्विन १, १४: ५२

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८० आश्विन १, १४: ५२

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०८० आश्विन १, १४: ५२

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...