इजरायलबाट २५३ नेपाली नेपाल एयरलाइन्सबाट फर्कदै – Naya Bikalpa
November 19, 2026, Thursday      Epaper
नेपालीको शव ल्याउने अझै टुङ्गो छैनः चिफ अफ प्रोटोकल भेटेर फर्किए परराष्ट्रमन्त्री

इजरायलबाट २५३ नेपाली नेपाल एयरलाइन्सबाट फर्कदै

 

काठमाडौं। शनिबार प्यालेष्टाइनको गाजा क्षेत्रबाट इजरायलमा प्रवेश गरी हमासको आक्रमणसँग त्रासमा रहेका नेपाली नागरिकमध्ये २५३ जना नेपाली नेफाल फर्कदै छन्।

इजरायलस्थित तेलअभिभ विमानस्थलमा रहेका नेपालीहरु नेपाल एयरलाइनसको वाईडबडी विमानबाट नेपाल फर्कदै गरेका हुन्।

चालक दलका ११ जना सदस्यसहित नेपाल एयरलाइन्स हिँजो राति तेलअभिभका लागि उडेको थियो। विमान चढेका नेपालीहरु आज राति साढे १ बजे काठमाडौं आईपुग्ने छन्।

खास गरी नेपाली विद्यार्थी ल्याउनको गएको एयरलाइन्समा परराष्ट्रमन्त्री एनपी साउद र उनका सहयोगी दीपक जोसीसहित सहयोगीहरु पनि गएका थिए।

स्वदेश फर्किनका लागि ३०० भन्दा बढी नेपालीले अनलाइन आवेदन दिएका छन्। तिनमा धेरैजसो विश्वविद्यालयका विद्यार्थीहरु छन्।

इजरायलमा समस्यामा परेका नेपालीहरूको जहाज चार्टड गरेर नेपाल ल्याउने निर्णय सरकारले गरेको थियो। सोही आधारमा पहिलो चरणमा यति विद्यार्थी आएका हुन्।

 

इजरायलमा रहेका नेपालीहरु मध्ये स्वदेश फर्कन चाहनेका लागि नेपाल सरकारले तेलअभिभस्थित नेपाली राजदूतावासलाई अनलाईन फारमको व्यवस्था गर्न निर्देशन दिएको थियो।

परराष्ट्रमन्त्री नारायणप्रसाद साउदले सोमबार मात्र इजरायलका परराष्ट्रमन्त्रीसँग टेलिफोनबाट कुरा गरी नेपाल फर्कन चाहने नेपालीलाई स्वेदश फर्कने वातावरण मिलाउन, घाईतेको उपचार गर्न, हराई रहेकाको खोजी गर्न र मृतक नेपालीको शव नेपाल फर्काउनको लागि पहल गर्न आग्ह गरेका थिए।

नेपाल फर्कन चाहने नेपालीलाई लिन गएको नेपाल एयरलाइन्सको जहाज चेढेर तेलअभिभ पुगेका साउदलाई इजरायलका चिफ अफ प्रोटोकलले स्वागत गरेका थिए। परराष्ट्रमन्त्री साउद नेपाली राजदूत कान्ता रिजाल र त्यहाँका कर्मचारीसँग भेट गरी फर्किएका छन्।

इजरायलमा शनिबार हमासको आक्रमणमा परी ज्यान गुमाएका १० नेपाली विद्यार्थीको शव नेपाल ल्याउन अझै केहि समय लाग्ने भएको छ ।

परराष्ट्र मन्त्रालयले ‘शव इजरायल सरकारले हस्तान्तरण गर्नुपर्ने’ कारण देखाउँदै नेपाल ल्याउन केही समय लाग्ने जनाएको छ ।

इजरायल सरकारको शव हस्तान्तरणको प्रोटोकल फरक हुने भएकाले तत्काल शव ल्याउन सम्भव नभएको परराष्ट्र मन्त्रालयकी प्रवक्ता सहसचिव सेवा लम्सालले बताइन् ।

उनले परिवारजनसमक्ष प्राविधिक पक्षलाई बुझिदिन आग्रह गरेकी छन्। इजरायल सरकारले हमाससँग युद्धको घोषणा गरेको अवस्थामा ज्यान गुमाएकाको शव हस्तान्तरणमा कानुनी प्रक्रिया पूरा नभएकाले तत्काल शव ल्याउन कठिन भएको हो।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८० आश्विन २५, १७: २२

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८० आश्विन २५, १७: २२

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०८० आश्विन २५, १७: २२

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...