सांसदलाई बन्दुक ताक्ने किन पत्ता लागेन ?

नयाँ विकल्प
प्रकाशित मिती: २०७६ माघ ७, ०८: ०६

काठमाडौं । आफूलाई चर्चामा ल्याउने महत्वकांक्षा बोकेका नेपालीहरुले अहिले सामाजिक सञ्जालमा अनेकौं दृष्य, भनाई र तर्क गरिएको सर्वत्र देख्न र हेर्न पाइन्छ । चर्चामा आएर अवसर लिने वा पेशा अँगाल्ने सिँढी बनाउन पल्किएकाहरुले समाजिक सञ्जालको प्रयोग मात्र होइन, राजनीतिलाई पनि प्रयोग गरिएको पाइन्छ । त्यसको उदाहरण हो, सत्ताको आडमा बनावटी धम्कीको नाटक रच्ने एक माननीयको ।

राजनीतिमा चर्चा बटुलेर अवसरको खोजिमा रहेकी सत्तारुढ नेकपाकी समानुपातिक सांसद निरुदेवी पालले गत वर्ष गरेको एक हर्कतका कारण नेपाल प्रहरीलाई समेत लज्जाको विषय हुन पुगेको छ । उनै सांसद जसले गत वर्ष २०७५ साल साउन १७ गते सांसद निरुदेवी पालले आफूलाई दुई जनाले काठमाडौंको मुटु बानेश्वरमा रहेको डेरा बाहिर पेस्तोल तेस्र्याएर मार्ने धम्की दिएको बताइन् ।

संसदको बैठक चलिरहेको, तत्कालिन कार्यवाहक प्रधानन्यायाधीश दीपकराज जोशीको संसदीय सुनवाई भइरहेको अवस्थामा समितिकी सदस्य समेत रहेकी पाललाई यस्तो धम्की आएको घटनाले सनसनी मच्चायो । उनलाई पेश्तोल तेरस्र्याएर मार्ने धम्की दिने युवा उमेरका दुई पुरुषको खोजी गर्ने नाममा प्रहरीले बानेश्वर क्षेत्रबाट १८ र १९ गते एक सय बढी युवालाई चिसो खोरमा पनि हुल्यो । तर प्रहरीले अहिलेसम्म दोषी प्रक्राउ गर्न सकेको छैन । प्रतिनिधि सभाको एक समितिकी सभापति समेत रहेकी पालले आफूलाई चर्चामा ल्याउन लागि फेक घटना संसदीय समितिमा बताएर प्रहरीलाई तनाव दिएकी थिइन् ।

तत्कालिन महानगरिय प्रहरी परिषर काठमाडौंका एसएसपी विश्वराज पोखरेल यतिवेला महानगरिय प्रहरी आयुक्त भएका छन् । तर निरुदेवी पाललाई पेस्तोल ताक्ने को थिए भनेर आजसम्म प्रहरी पत्ता लगाउन सकेको छैन । घटना फेक भएको हुन सक्ने प्रहरीका एक अधिकारी वताउँछन् । तर सत्तारुढ दलकी सांसदमाथि पेस्तोलबाट आक्रमणी गरी हत्या गर्ने धम्की दिएको घटनालाई फेक भन्ने हिम्मत प्रहरी अधिकारीहरु बताउने हिम्मत गर्दैनन् । तर श्रोत भन्छ त्यो घटना नै रहस्यको गर्भमा छ ।