
काठमाडौं। भारतीय सरकारका विदेश मामिला मन्त्री डा. एस. जयशंकरले भारतले इजरायलमा रहेका भारतीय नागरिकलाई स्वेदश फर्काउनको लागि ‘अपरेसन विजय’ चलाएकोमा मंगलबार साँझ १८ नेपाली नागरिक पनि सँगै रहेको बताएका छन्।
भारतीय विदेश मन्त्री डा.जयशंकरले सामाजिक संजाल ट्विटरमा ट्विट गर्दै नेपाली नागरिक १८ जनासहित २८६ यात्रु स्वेदश (भारत) फर्किएको जनाएका छन्।
भारतले इजरालयमा रहेका भारतीय नागरिकहरु स्वदेश फर्कन चाहेमा उनीहरुको उद्धारको लागि ‘अपरेसन विजय’ अभियान संचालन गरेको छ।
मंगलबार ट्विट गर्दै जयशंकरले इजरायलको तेलअभिबाट भारतको इन्दिरागान्धि अन्तराष्ट्रिय विमानस्थलमा आइसकेका नेपाली नागरिकसहित भारतीय यात्रुहरुको तस्विर आफ्नो ट्विटमा राखेका छन्।
भारतको विदेश मामिला मन्त्री एस जयशंकर गुजरात राज्यबाट भारतीय माथिल्लो सदन राज्यसमभाका सदस्य हुन्।

यता, नयाँदिल्लीस्थित नेपाली दूतावासले इजरायलबाट भारतीय विमानमार्फत उद्दार गरिएका १८ जना नेपाली नागरिकलाई नेपाल पठाउनका लागि बसको ब्यवस्था गरेको छ ।
उद्धार गरिएका नेपाली नागरिकमध्ये ७ जनालाई रिजर्भ गरिएको बसबाट कञ्चनपुर पठाएको जनाइएको छ।
नयाँ दिल्लीबाट ८ जना नेपालीले भने काठमाडौंका लागि टिकट काटिसकेका छन्। २ जना आफ्नै तरिकाले घर जाने बताएको र १ जना आफन्त छन भनेर मुम्बईतर्फ लागेको नयाँ दिल्लीस्थित नेपाली दूतावासले जनाएको छ।

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...