गाजास्थित अस्पतालमा आक्रमण हुँदा ५सयको मृत्युः जिहादको हात रहेको इजरायलको दाबी – Naya Bikalpa
November 19, 2026, Thursday      Epaper

गाजास्थित अस्पतालमा आक्रमण हुँदा ५सयको मृत्युः जिहादको हात रहेको इजरायलको दाबी

काठमाडौं। इजरायल र हमास बीच युद्ध शुरु भएको १२ औं दिनमा हजारौंले ज्यान गुमाउनुका साथै भौतिक संरचनामा क्षति पुगेको छ। युद्धका कारण दुवै देशले धेरै नोक्सानी बेहोरेका छन्।

हमासको नियन्त्रणमा रहेको प्यालेस्टाइनको गाजापट्टी क्षेत्रको एक अस्पतालमा भएको बम विस्फोटमा परी करिव ५ सय प्यालेस्टाइनीको मृत्यु भएको जनाइएको छ। अस्पतालमा भएको हमलासहित अन्य विष्फोट, गोलाबारी आदिमा परी गाजापट्टीमा कुल तीन हजार पाँच सय जनाको मृत्यु भएको छ भने १२ हजार घाइते भएका छन्।

गाजाको स्वास्थ्य मन्त्रालयले अल अहली ब्याप्टिस्ट अस्पतालमा कम्तीमा पाँच सय जनाको ज्यान गएको बताएको छ। जसमध्ये धेरै महिला र बालबालिका छन्। संयुक्त राष्ट्रसंघद्वारा सञ्चालित शरणार्थीहरूको आवासीय विद्यालयमा पनि आक्रमण भएको थियो।

गाजामा प्यालेस्टिनी स्वास्थ्य मन्त्रालयका प्रवक्ताले टेलिग्राममा अरबी भाषामा पोष्ट गरेको विज्ञप्तिमा अल अहली ब्याप्टिस्ट अस्पतालमा भएको आक्रमणमा मारिने अधिकांश बालबालिका र महिला रहेको बताए। प्रवक्ताले पीडितको संख्या मेडिकल स्टाफ र एम्बुलेन्सको क्षमताभन्दा बाहिर रहेको बताए।

यसैबीच, इजरायली सेनाले अल अहली ब्याप्टिस्ट अस्पतालमा भएको बम विष्फोटको पछाडि इस्लामिक जिहादको हात रहेको प्रमाणित गर्न भिडियो फुटेज जारी गर्ने दाबी गरेको छ।

यसबाहेक इजरायली प्रधानमन्त्री बेन्जामिन नेतन्याहुले गाजाको अस्पतालमा भएको हमला आइडीएफले नभई आतंकवादीहरूले गरेको हो भन्ने कुरा सारा विश्वले जान्नुपर्दछ भन्ने प्रतिक्रिया दिएका छन्।

पछिल्लो जानकारी अनुसार युद्धमा हालसम्म १४ सय इजरायलीको मृत्यु भएको छ भने ४ हजार ३९९ घाइते भएका छन्।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८० कार्तिक १, १७: ५६

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८० कार्तिक १, १७: ५६

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०८० कार्तिक १, १७: ५६

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...