नेपाल– भारत संयुक्त जलविकास समितिको पहिलो बैठक चाँडै बोलाईने – Naya Bikalpa
November 19, 2026, Thursday      Epaper

नेपाल– भारत संयुक्त जलविकास समितिको पहिलो बैठक चाँडै बोलाईने

काठमाडौं । नेपाल – भारत संयुक्त जलविकास समितिवको पहिलो बैठक चाँडै बस्ने भएको छ । यसका लागी दुवै पक्ष सहमत भएको काठमाडौंस्थित भारतीय दूतावासले आइतबार एक प्रेस विज्ञप्ति जारी गर्दै यस्तो जनाएको हो ।

उर्जा क्षेत्रमा सहकार्य सम्बन्धी नेपाल–भारत संयुक्त संचालक समितिको १२औं बैठक पनि चाँडै बस्ने भएको छ । भारतीय ऊर्जा सचिव पंकज अग्रवाल र ऊर्जा, जलस्रोत तथा सिंचाइमन्त्री शक्ति बहादुर बस्नेतबीच चितवनमा पुस २० गते ११औं बैठक बस्नुअघि भेटवार्ता भएको थियो ।

दुवै पक्षले यस विषयमा छलफल जारी राख्न सहमति जनाउदै भारतीय पक्षले आयोजना गर्ने संयुक्त कार्यदल÷संयुक्त संचालक समिति बैठकको अर्को सत्रको लागि चाँडै भेट्ने निर्णय गरेको छ ।

भारत सरकारको ऊर्जा मन्त्रालयका सचिव पंकज अग्रवाल र नेपाल सरकारका ऊर्जा, जलस्रोत तथा सिंचाइ मन्त्रालयका सचिव (ऊर्जा) गोपाल प्रसाद सिग्देलको सहअध्यक्षतामा ऊर्जा क्षेत्रमा सहकार्य सम्बन्धी संयुक्त संचालक समितिको ११ औं बैठक २० गते सम्पन्न भएको हो ।

बैठक बस्नुअघि भारत र नेपालबीच दीर्घकालीन ऊर्जा व्यापार सम्बन्धी सम्झौतामा हस्ताक्षर भएको थियो । पुस १८ गते भारत सरकारको ऊर्जा मन्त्रालयका सहसचिव डा. डी साई बाबा र नेपाल सरकार ऊर्जा, जलस्रोत तथा सिंचाइ मन्त्रालयका सहसचिव नवीनराज सिंहको सहअध्यक्षतामा ऊर्जा क्षेत्रमा सहकार्य सम्बन्धी ११ औं संयुक्त कार्यदलको बैठक काठमाडौंमा सम्पन्न भएको थियो।

बैठकहरुमा ऊर्जा व्यापार, जलविद्युत परियोजना र प्रसारण लाइनको कार्यान्वयन, नेपाल र भारतबीचको द्विपक्षीय ऊर्जा क्षेत्र सहकार्य लगायतका विषयमा विस्तृत समीक्षा भएको थियो । संयुक्त प्राविधिक टोली (जेटीटी) लगायत विभिन्न द्विपक्षीय समितिमा भएका प्रगतिबारे पनि छलफल भएको थियो ।

बैठकमा १३२ केभी र मुनिका प्रसारण लाइनमार्फत हुने अन्तरदेशीय ऊर्जा व्यापारका मोडालिटीलाई स्वीकृत भएको र भारतका विदेशमन्त्री र नेपालका परराष्ट्रमन्त्रीले पुस १९ गते विशेष महत्व रहेका तीनवटा नयाँ १३२ केभी प्रसारण लाइनको उद्घाटन गरिएको दूतावासले जानकारी दिएको छ ।

दुवै देशका परराष्ट्र मन्त्रीहरुले संयुक्त रुपमा रक्सौल (बिहार, भारत)–परवानीपुर (नेपाल)को दोस्रो सर्किट, कटैया (बिहार, भारत)–कुशाहा (नेपाल) को दोस्रो सर्किट र नयाँ नौतनवा (उत्तर प्रदेश, भारत) –मैनहिया (नेपाल) प्रशारण लाईनको उद्घाटन गरेका हुन्।

करिब २०० मेगावाट प्रसारण क्षमता थप्ने यी प्रसारण लाइनले भारत र नेपालबीचको समग्र प्रसारण क्षमता १४०० मेगावाट पुर्याउन र नयाँ नौतनवा –मैनहिया प्रसारण लाइन नेपाल र भारतको उत्तर प्रदेशबीचको पहिलो प्रसारण लाइन रहेको छ ।

नेपालका प्रधानमन्त्रीको सन् २०२२ अप्रिलमा भएको भारत भ्रमणको दौरान जारी गरिएको भारत–नेपाल संयुक्त दृष्टिकोण पत्रमा प्रगति हासिल गर्दै दुवै पक्ष संयुक्त जलविकास समितिको पहिलो बैठक छिट्टै बोलाउन सहमत भएको जनाइएको छ ।

 

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८० पुष २२, १४: ५६

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८० पुष २२, १४: ५६

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८० पुष २२, १४: ५६

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...