लोककल्याणकारी विज्ञापन रोक्ने सरकारको नियत खेदजनक – Naya Bikalpa
November 19, 2026, Thursday      Epaper
मिडिया काउन्सिल विधेयकप्रति छापामाध्यम समाजको गम्भीर आपत्ति

लोककल्याणकारी विज्ञापन रोक्ने सरकारको नियत खेदजनक

सरकारले प्रेस काउन्सिल ऐनको विकल्पमा प्रस्ताव गरेको मिडिया काउन्सिल विधेयकमा राज्यले छापा माध्यमलाई उपलब्ध गराउँदै आएको लोककल्याणकारी विज्ञापनको व्यवस्था हटाउन खोजेको भन्दै लोकतान्त्रिक छापा माध्यम राष्ट्रिय समाजले गम्भीर आपत्ति प्रकट गरेको छ।
समाजका अध्यक्ष दामोदर प्रसाद दवाडीले विहीबार एक विज्ञप्ति जारी गर्दै प्रस्तावित विधेयकमा लोककल्याणकारी विज्ञापनबारे केही पनि व्यवस्था नगरेको र पत्र पत्रिका वर्गीकरण गर्ने समितिको व्यवस्था नरहेकोमा खेद प्रकट गर्दै विधेयक तत्काल रोकी पर्याप्त गृहकार्य, छलफल र सुझावपछि मात्र अघि बढाउन सरकारसँग आग्रह गरेका छन् ।

अध्यक्ष दवाडीद्वारा हस्ताक्षरित विज्ञप्तिमा ‘विवादास्पद र सञ्चार क्षेत्र मास्ने गरी ल्याउन लागिएको विधेयक नरोकेमा चरणबद्ध आन्दोलनमा जानुको विकल्प नरहेको’ चेतावनी दिइएको छ ।

‘लोककल्याणकारी विज्ञापन साना तथा स्वरोजगार संचारमाध्यमको मुख्य आर्थिक स्रोत हो । यसको इतिहास र राजनीतिक परिवर्तन ल्याउन दिएको महत्वपूर्ण योगदान सरकारले भुल्नु हुँदैन’, विज्ञप्तिमा भनिएको छ, ‘पत्रपत्रिका र सञ्चार क्षेत्रको विकासका लागि विपी कोइरालाको पालादेखि लोककल्याणकारी विज्ञापन, अनुदान दिइदै आइएको छ । छापासहितका मिडिया अहिले चरम संकटमा छन् । त्यसैले यी मिडिया जोगाउने दायित्व सरकारले भुल्नु हुँदैन ।’

समाजले सरकारका पदाधिकारीले सो विधेयकका विषयमा दिएको अभिव्यक्ति भरपर्दो र विश्वासिलो नभई झारा टार्ने किसिमले आएको भन्दै काउन्सिलले बर्गिकरण समितिमा सञ्चार मन्त्रालयले गर्नु पर्ने मनोनयन रोकेर राख्दा बर्गिकरण रोकिएको जनाएको छ।

विज्ञप्तिमा भनिएको छ – आफू निकटका व्यक्तिहरुलाई सुविधा उपलब्ध गराउने उद्देश्यले पर्याप्त छलफल र अध्ययन बिनै यस्ता विधेयक अघि बढाइनु आपत्तिजनक छ । विज्ञापन अभाव भई सञ्चारमाध्यम सञ्चालनमा गाह्रो भएको बेला सरकारले सरोकारवाला पक्षहरुसँग गम्भीर छलफल र सुझाव लिनुको सट्टा जबर्जस्ती विधेयक पास गर्न खोज्नु खेदजन्य छ ।’

हेर्नुस् विज्ञप्ति –

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८० माघ २५, १५: ४७

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८० माघ २५, १५: ४७

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८० माघ २५, १५: ४७

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...