राष्ट्रियसभा अध्यक्षको स्पष्टिकरण – प्रचण्ड र मैले एकै दिन राजनीति शुरु गरेका हौं – Naya Bikalpa
November 19, 2026, Thursday      Epaper

राष्ट्रियसभा अध्यक्षको स्पष्टिकरण – प्रचण्ड र मैले एकै दिन राजनीति शुरु गरेका हौं

काठमाडौं । राष्ट्रियसभा अध्यक्ष नारायणप्रसाद दाहालले आफू र नेकपा माओबादी केन्द्रका अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ले एकै दिन राजनीतिक गरेको दाबी गरेका छन्।

संचारकर्मीहरुसँग मंगलबार अन्तरक्रिया गर्दै अध्यक्ष दाहालले आफ्नो राजनीतिक योगदानलाई प्रचण्डसँग जोडेर अवमूल्यन गरिएको भन्दै २०२७ सालमा प्रचण्ड र आफूले एकै दिन अनेरास्ववियूको सदस्यता लिएर राजनीतिक शुरु गरेको दाबी गरेका हुन्।

राष्ट्रिय सभाको अध्यक्ष भएपछि आफूलाई प्रधानमन्त्री पुष्पकमल दाहाल ‘प्रचण्ड’ सँग पारिवारिक नाता भएकाले अवसर पाएको भन्दै पटक–पटक प्रश्न आएकाले त्यसबाट आफू आजित भएको उनले दुखेसो पोखे।

प्रचण्ड र आफूले सँगै राजनीति शुरु गरेर निरन्तर राजनीतिक आन्दोलनमा लागेको भन्दै उनले प्रधानमन्त्री दाहाललाई आफूले कुनै पनि राजनीतिक गतिविधिमा नछाडे पनि उनकै निगाहामा आफूलाई राष्ट्रिय सभाअध्यक्ष बनाएको भन्ने टिप्पणीले आफू वाक्क भएको बताए।

‘म त्यो विषयमा धेरै बोल्ने मोडमा छैन है । कति बोल्ने त्यो विषयमा? २०२७ सालमा एकै दिन अनेरास्ववियुको सदस्यता लिएर राजनीति शुरु गरेको अध्यक्ष र म । उहाँ गोरखामा पढाउनु हुन्थ्यो । म काठमाडौंमा डिप्लोमा पढ्दै थिएँ सानोठिमीमा ।  चौथो महाधिवेशनमा २०३५ जेठ २२ गते ‘सँगसँगै हिडेकै छ । एक दिन छोडिएको छैन। प्रचण्डको दयाले मात्रै म भएको भनेर त मलाई जवाफ दिन पनि वाक्क लाग्न थालिसक्यो’, उनले भने

अध्यक्ष दाहालले राष्ट्रिय सभाको गरिमालाई माथि उठाउने काममा सहयोग गर्न पनि सञ्चारकर्मीहरुलाई आग्रह गरे । उनले राष्ट्रियसभाका गतिविधिलाई सञ्चार माध्यमले प्राथामिकता नदिएको भन्दै गुनासो समेत गरे।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ बैशाख ४, २०: २९

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ बैशाख ४, २०: २९

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ बैशाख ४, २०: २९

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...