
काठमाडौं। प्रधानमन्त्री पुष्पकमल दाहाल प्रचण्डले यही जेठ ७ गते चौथोपटक विश्वासको मत लिने भएका छन्।
सरकारको नेतृत्व गरेको १७ महिनामा दाहालले चौथोपटक विश्वासको मत लिन लागेका हुन्। २०७९ पुस ११ गते प्रधानमन्त्री भएका दाहालले सोही महिनाको २६ गते पहिलोपटक विश्वासको मत लिएका थिए।
सरकारलाई समर्थन गरेको दल नेकपा एमाले, रास्वपा र राप्रपाले समर्थन फिर्ता लिएपछि २०७९ चैत ६ गते प्रधानमन्त्री दाहालले दोस्रोपटक विश्वासको मत लिएका थिए।
गठबन्धनको प्रमुख घटक नेपाली कांग्रेससँग सम्बन्ध तोडेर नेकपा एमालेसँग गठबन्धन गरेपछि नयाँ सरकार बनाएपछि दाहालले तेश्रो पटक २०८० फागुन ३० गते विश्वासको मत लिएका थिए।
जनता समाजवादी पार्टी नेपालले यही वैशाख ३१ गते सरकारबाट बाहिरिँदै समर्थनसमेत फिर्ता लिएपछि दाहालले फेरि अर्कोपटक विश्वासको मत लिन लागेको हो।
सत्ता साझेदार दलले समर्थन फिर्ता लिए ३० दिनभित्र विश्वासको मत लिनुपर्ने संवैधानिक व्यवस्था छ । प्रधानमन्त्री दाहालले सभामुख देवराज घिमिरेलाई विश्वासको मत लिने कुरा जानकारी गराइसकेका छन्।
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...