सरकारको ११ देशका राजदूत फिर्ता गर्ने निर्णय आपत्तिजनकः कोइराला – Naya Bikalpa
November 19, 2026, Thursday      Epaper

सरकारको ११ देशका राजदूत फिर्ता गर्ने निर्णय आपत्तिजनकः कोइराला

काठमाडौं। नेपाली कांग्रेसका नेता डा.शेखर कोइरालाले सरकारको विदेशस्थित ११ देशका राजदूत फिर्ता बोलाउने निर्णयप्रति आपत्ति जनाएका छन्।

सामाजिक सञ्जालमा शनिबार एक पोष्ट गर्दै उनले सरकारको यस्ता कार्य गर्ने अधिकार नभएको र नियमित कार्य समेत नभएको बताए।

नेता कोइरालाले विभिन्न ११ देशका राजदूत फिर्ता बोलाउने सरकारको उक्त निर्णय संयोग मान्ने कि नियत भन्दै प्रश्न गरेका छन् ।

‘लामो घनिष्ठ सम्बन्ध, व्यापारको झन्डै दुई तिहाइ हिस्सा, आर्थिक, सामाजिक र धार्मिक सम्बन्ध भएको देशको राजदूत, त्यो देशमा नवनिर्वाचित सरकारको शपथग्रहणमा प्रधानमन्त्री जाने दिनमा फिर्ता बोलाउनुलाई संयोग मान्ने कि नियत?’, नेता डा.कोइरालाको प्रश्न छ।

उनले दूरगामी महत्वका यस्ता कार्य सरकारको अधिकार र नियमित कार्य नभएको जनाएका छन्।

भारतको लोकसभा निर्वाचनबाट पुनः प्रधानमन्त्रीमा नरेन्द्र मोदी नियुक्त भएपछि नेपालको मन्त्रिपरिषद्ले भने नेपाली राजदूतलाई फिर्ता वोलाउने निर्णय गरेको थियो।

सरकारले बिहीबार भारत र अमेरिकासहित विभिन्न ११ देश राजदूत फिर्ता बोलाउने निर्णय गरेको थियो।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ जेष्ठ २७, १३: २१

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ जेष्ठ २७, १३: २१

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ जेष्ठ २७, १३: २१

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...