सार्वजनिक विद्यालयले भाडामा लगाएका सटरहरु काठमाडौं महानगरद्वारा बन्द – Naya Bikalpa
November 19, 2026, Thursday      Epaper

सार्वजनिक विद्यालयले भाडामा लगाएका सटरहरु काठमाडौं महानगरद्वारा बन्द

काठमाडौं। काठमाडौं महानगरपालिका भित्र पर्ने सार्वजनिक (सरकारी) विद्यालयले भाडामा दिएका सटरहरू काठमाडौं महानगरपालिकाले बन्द गराउन थालेको छ।

महानगर शिक्षा शाखाअनुसार आइतबार चार वटा विद्यालयका सटर बन्द गरिएको छ।

आइतबार प्रदर्शनीमार्गमा रहेको पद्मोदय मावि, बागबजार अद्धैतमार्गमा रहेको शहीद शुक्र मावि, डिल्लिबजारस्थित पद्मकन्या विद्याश्रम र विजय स्मारक स्कुलले भाडामा दिएका सटरहरु बन्द गरिएको छ।

आदर्श आधारभूत विद्यालयको सटर यसअघि महानगरले बन्द गराइसकेको छ। महानगरपालिका भित्रका ३७ वटा सार्वजनिक विद्यालयले सटर भाडामा लगाएको शाखाले जनाएको छ।

सटर भाडामा लगाएर विद्यालय सञ्चालन गरिरहेका विद्यालयको अध्ययन गरेर आवश्यक रकम उपलब्ध गराउने तयारी महानगरले गरिरहेको छ।

महानगरले गत असोजदेखि नै विद्यालयले भाडामा लगाएका सटर खाली गराउन सूचित गर्दै आएको थियो। महानगरले त्यस्ता विद्यालयलाई सटर भाडामा लगाउँदा पर्ने आर्थिक भारको विवरण माग्दा पनि बेवास्ता गरेपछि महानगर सटर बन्द गर्न बाध्य भएको महानगरको भनाई छ।

महानगरले विद्यालयका सटर भाडामा लिएर व्यवसाय गरिरहेका व्यापारीहरूलाई एक हप्ताभित्र सामान लिएर जाने समय दिएको छ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ जेष्ठ २८, १३: १९

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ जेष्ठ २८, १३: १९

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ जेष्ठ २८, १३: १९

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...