
काठमाडौं। सत्तारुढ घटक नेकपा एमालेको काठमाडौं जिल्ला कमिटीको सातौं अधिवेशनमा नयाँ नेतृत्वका लागि दिपक निरौला र निर्मल देउलाबीच भिडन्त हुँदैछ।
सहमतिमा नेतृत्व चयन हुन नसकेपछि उम्मेदवारी दर्ता गराई मंगलबार दिउँसोदेखि विद्युतीय उपकरणमार्फत मतदान भइरहेको छ।
अध्यक्ष पदका लागि जिल्ला कमिटीका हालका अध्यक्ष निरौला र निर्मल देउलाबीच प्रतिस्पर्धा हुँदैछ। उपाध्यक्षमा विश्वराम सापकोटा, नमराज पराजुली, नवराज भट्ट र विदुरविक्रम खड्काबीच प्रतिष्पर्धा भएको छ।
सचिवमा राजेश शाक्य र सत्यनारायण डङ्गोल तथा उपसचिवमा उद्धव भण्डारी, विन्दु मर्हजन, गुञ्जमान सिंह बस्नेत र तारा भण्डारीको उम्मेदवारी दर्ता भएको छ।
अधिवेशनले पदाधिकारीसहित दुई सय २५ सदस्यीय जिल्ला कमिटी र सात सदस्यीय लेखासमिति निर्वाचित गर्नेछ। अधिवेशनमा पाँच सय ८५ प्रतिनिधिले भाग लिएका छन्।
अधिवेशनको यही जेठ २६ गते एमाले अध्यक्ष एवम् पूर्वप्रधानमन्त्री केपी शर्मा ओलीले उद्घाटन गरेका थिए।
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...