
काठमाडौं। जनमत पार्टीका अध्यक्ष समेत रहेका प्रतिनिधि सभा सदस्य डा.सीके (चन्द्रकान्त) राउतलाई उपप्रधानमन्त्रीसहित परराष्ट्रमन्त्री बनाउन प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओली सहमत भएका छन्।
प्रतिनिधिसभामा ६ सिट भएको जनमत पार्टीका अध्यक्ष राउतलाई एमालेका अध्यक्ष ओलीले नै उपप्रधानमन्त्रीसहित सरकारमा सहभागी हुन प्रस्ताव गरेको स्रोतले बतायो।
प्रधानमन्त्री दाहाल मन्त्रिपरिषद् पुनर्गठनको तयारी थालिरहेको बेला अध्यक्ष ओलीले जनमत अध्यक्ष डा.राउतलाई मन्त्रिमण्डलमा ल्याउन प्रस्ताव गरेका हुन्।
अहिले परराष्ट्रमन्त्री माओवादी केन्द्रका वरिष्ठ उपाध्यक्ष नारायणकाजी श्रेष्ठ छन्। प्रधानमन्त्री दाहाल केही दिनअघि नागरिक उन्मुक्ति पार्टीकी अध्यक्ष रञ्जिता श्रेष्ठलाई पनि सरकारमा सहभागी हुन आग्रह गरेका थिए।
उन्मुक्तिको ४ सांसद छन्। जनमत र उन्मुक्ति दुवै दलले प्रधानमन्त्री दाहाललाई विश्वासको मत दिएर समर्थन गरेका छन्।
जनमत र नाउपालाई सरकारमा समावेश गराउन एमाले र माओवादीबाट एकएक जना मन्त्री फिर्ता बोलाउने तयारी छ। यद्यपि त्यसबारे कुनै निर्णय भएको छैन। सम्भवत बजेट पारित हुनै वित्तिकै प्रधानमन्त्री दाहाल एक्सनमा जाने योजना रहेको बालुवाटार स्रोतले बतायो।
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...