अदालतको आदेशको अवहेलना गर्दै गण्डकी प्रदेश सभामा देवकोटालाई प्रवेश दिइएन – Naya Bikalpa
November 19, 2026, Thursday      Epaper

अदालतको आदेशको अवहेलना गर्दै गण्डकी प्रदेश सभामा देवकोटालाई प्रवेश दिइएन

काठमाडौं। सर्वोच्च अदालतको आदेशको ठाडो उल्लङ्घन गर्दै गण्डकी प्रदेश सभा सदस्य सचिवालयले नेपाल समाजवादी पार्टीका सांसद फणीन्द्र देवकोटालाई प्रदेश सभा बैठक कक्षमा प्रवेशमा रोक लगाएको छ।

सर्वोच्च अदालतले प्रदेशसभा सदस्य देवकोटालाई सभा सदस्यका रुपमा कामकारबाही गर्नबाट नरोक्नु, नरोकाउनु भनस् गत सोमबार जारी गरेको अन्तरिम आदेश पश्चात पहिलो पटक संसदको बैठकमा सहभागी हुन गएका देवकोटालाई मर्यादापालकले बैठक कक्ष बाहिर रोकेर अदालतको आदेशको अवहेलना गरेका हुन्।

फणिन्द्र देवकोटामाथि माओवादीको कारबाही नगर्न सर्वोच्चले अन्तरिम आदेश दिएको थियो।

प्रदेश सभा हलको बाहिर परिसरमा रहेको देवकोटाले प्रदेशसभामा डाकिएको बैठकमा सहभागी हुन अदालतको आदेश बमोजिम पुग्दा मर्यादापालकले भित्र जान नदिएको बताए।

प्रदेशका मुख्यमन्त्री सुरेन्द्रराज पाण्डेलाई केही समयअघि विश्वासको मत दिएपछि नेकपा माओवादी केन्द्रले देवकोटामाथि अनुशासनको कारबाहीको सिफारिस प्रदेश सभा सभामुखसमक्ष गरेको थियो।

गत निर्वाचनमा नेकपा माओवादी केन्द्रको चुनाव चिन्ह लिएर गोरखाबाट निर्वाचित सांसद देवकोटाले माओवादी संसदीय दलको ह्वीप उलंघन गरी कांग्रेस नेता पाण्डेलाई मुख्यमन्त्रीमा विश्वासको मत दिएको आरोपमा उनको सांसद पद खारेजीको सिफारिस गरेको थियो।

तर, निर्वाचन चिन्ह माओवादीको लिएपनि उम्मेदवारी मनोनयनदेखि परिणाम सार्वजनिक गरेर निर्वाचन आयोगबाट प्रमाणपत्र लिँदा र प्रदेश सभा सचिवालयमा दलीय आवद्धताको विवरण उल्लेख गर्दा सबै ठाउँमा देवकोटाले नेपाल समाजवादी पार्टी भनेर स्पष्टसँग उल्लेख गरेका थिए।

विगत डेढ वर्षसम्म नेकपा माओवादी केन्द्रको संसदीय दल र उक्त दलका गतिविधिमा नेपाल समाजवादी पार्टीको नाम उल्लेख गर्दै क्रियाशील रहेका देवकोटाले आफू माओवादीको सांसद नभएर नेपाल समाजवादी पार्टीको सांसद रहेको दाबी गर्दै सर्वोच्च अदालतमा रिट दायर गरेका थिए।

जसलाई अदालतले माओवादी केन्द्रले गरेको कारबाही कानूनसम्मत नभएको ठहर गर्दै अन्तरिम आदेशमार्फत माओवादीको सिफारिसमा सभामुख कृष्णप्रसाद धितालको निर्णय बदर गरिदिएको थियो।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ असार १३, १६: ३०

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ असार १३, १६: ३०

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ असार १३, १६: ३०

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...