कृषि सहकारीका अध्यक्ष थापासहित १२ जना विरुद्ध १ अर्ब अपचलनको आरोपमा मुद्दा – Naya Bikalpa
November 19, 2026, Thursday      Epaper

कृषि सहकारीका अध्यक्ष थापासहित १२ जना विरुद्ध १ अर्ब अपचलनको आरोपमा मुद्दा

 

काठमाडौं। कृषि विकास बहुउद्देश्यीय सहकारीको बचतकर्ताको रकम अपचलन गरेको आरोपमा १२ जना विरुद्ध मुद्दा दायर भएको छ।

करिब एक अर्ब रुपैयाँ अपचलन गरेको आरोपमा सो सहकारीका सञ्चालक समिति अध्यक्षसहित १३ जनालाई प्रतिवादी बनाएर ललितपुर जिल्ला अदालतमा मुद्दा दायर भएको जिल्ला प्रहरी परिसर ललितपुरका एसपी नरेशराज सुवेदीले बताए।

प्रहरीका अनुसार प्रतिवादी १३ मध्ये ८ जना फरार छन् भने चार जना प्रहरी हिरासतमा छन्। एक जनाको मृत्यु भइसकेको छ।

असार १ गते काठमाडौं उपत्यका अपराध अनुसन्धान कार्यालयको टोलीले तनहुँको ब्यास नगरपालिका–११ घर भई हाल काठमाडौंको गोकर्ण बस्ने सो सहकारीका अध्यक्ष तेजविक्रम थापा, उनकी श्रीमती सजना राजकर्णीकार, सदस्यद्वय भीमसेन महर्जन र सञ्जय सापकोटालाई पक्राउ गरी जिल्ला प्रहरी प्रहरी परिसर ललितपुरलाई बुझाएको थियो।

२५ दिन लामो अनुसन्धान सकेर प्रतिवेदन जिल्ला सरकारी वकिल कार्यालय ललितपुर पठाइएकोमा ललितपुर जिल्ला अदालतमा मुद्दा दर्ता भएको हो।

पक्राउ परेका चारबाहेक अन्यलाई फरार प्रतिवादी बनाइएको छ। फरार प्रतिवादीहरूमा सहकारीका उपाध्यक्ष उमेशजंग थापा, सचिव कृष्णबहादुर घर्ती क्षेत्री, सदस्य विष्णुकुमार महत, लेखा सुपरीक्षण समिति संयोजक पदम मास्की, लेखा सुपरीक्षण समिति सदस्य राज श्रेष्ठ, विकेश ताम्राकार र महाप्रबन्धक सन्तोषराज भण्डारी छन्।

सहकारीका कोषाध्यक्ष निरेश थापा मगरको मृत्यु भइसकेकाले उनको हकमा बिगोको मात्रै मागदाबी गर्दै मुद्दा दर्ता भएको छ।

सो समूहले ५९१ बचतकर्ताको ९६ करोड २ लाख ६१ हजार ६४९ रुपैयाँ अपचलन भएको भन्दै ७२ वटा जाहेरी परेको थियो । सोही बमोजिमको बिगो, जरिवाना र कैद मागदाबी गर्दै सहकारी ठगीको कसुरमा मुद्दा दर्ता भएको हो।

मुलुकी फौजदारी अपराध संहिताको दफा २४९ अन्तर्गतको ठगी कसुरमा मुद्दा दर्ता गरिएको छ। उक्त कसुरमा ७ वर्षसम्म कैद र ७० हजार रुपैयाँसम्म जरिवाना हुने व्यवस्था छ।

 

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ असार २७, १४: ०२

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

नेप्सेमा सामान्य वृद्धि, परिसूचक २६२८.६७ विन्दुमा
नेप्सेमा सामान्य वृद्धि, परिसूचक २६२८.६७ विन्दुमा
  • २०८१ असार २७, १४: ०२

काठमाडौँ । साताको कारोबारको अन्तिम दिन बिहीबार नेपाल स्टक एक्सचेञ्ज (नेप्से) परिसूचक सामान्य अंकले बढेको छ । आज नेप्से ३.६२...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ असार २७, १४: ०२

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...