संसदीय समितिका १८ सदस्य हेरफेर, पुष्पकमल, पूर्णबहादुर र रबी राज्यव्यवस्था समितिमा – Naya Bikalpa
November 19, 2026, Thursday      Epaper

संसदीय समितिका १८ सदस्य हेरफेर, पुष्पकमल, पूर्णबहादुर र रबी राज्यव्यवस्था समितिमा

काठमाडौं। संघीय संसद्को एउटा संयुक्त समिति र अरु प्रतिनिधि सभा मातहतका संसदीय समितिका सदस्यहरू हेरफेर भएका छन्।

प्रतिनिधि सभाको मंगलबारको बैठकमा सभामुख देवराज घिमिरेले समितिका सदस्यहरूको नाम हेरफेरका लागि गरेको प्रस्ताव सदनले अनुमोदन गरेको छ।

राज्यव्यवस्था तथा सुशासन समितिको सदस्यमा निवर्तमान प्रधानमन्त्री पुष्पकमल दाहाल ‘प्रचण्ड’, कांग्रेस उपसभापति पूर्णबहादुर खड्का, राष्ट्रिय स्वतन्त्र पार्टीका सभापति था निवर्तमान गृहमन्त्री रबी लामिछानेलाई राखिएको छ।

यस्तै महत्वपूर्ण मानिएको संसदीय सुनुवाइ समितिमा रहेका रमेश लेखकको स्थानमा श्याम घिमिरेलाई र डा.स्वर्णिम वाग्लेको स्थानमा रास्वपाका डोलप्रसाद अर्याललाई राखिएको छ। लेखक गृहमन्त्री भएकाले राज्य व्यवस्था समितिमा पदेन सदस्य हुन्छन्।

लेखकको स्थानमा कांग्रेसले हाले प्रमुख सचेतकमा नियुक्त गरेका श्यामप्रसाद घिमिरेलाई ल्याएको थियो।

यस्तै निवर्तमान मन्त्रीहरु एमालेका पदम गिरी र भगवती चौधरी, माओबादीका वर्षमान पुन र रास्वपाका विराजभक्त श्रेष्ठ अर्थ समितिका सदस्य भएका छन्।

निवर्तमान रक्षा मन्त्री एमालेका हरिप्रसाद उप्रेती अन्तर्राष्ट्रिय सम्बन्ध तथा मानवअधिकार समितिमा र हितबहादुर तामाङ पर्यटन समितिको सदस्य भएका छन्।

रघुवीर महासेठ र डोलप्रसाद अर्याल उद्योग वाणिज्य र श्रम तथा उपभोक्ता हित समितिको सदस्य भएका छन् भने ज्वालाकुमारी साह कृषि सहकारी तथा प्राकृतिक स्रोत समितिको सदस्य भएकी छन्।

शक्ति बहादुर बस्नेत पूर्वाधार विकास समिति सदस्यमा आएका छन्। सांसदहरु रेखा शर्मा र सुमना श्रेष्ठ शिक्षा, स्वास्थ्य तथा सूचना समितिको सदस्य बनेका छन् उनीहरु तीनै जना पूर्ववती सरकारका मन्त्रीहरु हुन्।

राज्यव्यवस्था तथा सुशासन समितिबाट हरि ढकाल सार्वजनिक लेखा समितिमा पुगेका छन् भने मिना यादव शिक्षा स्वास्थ्यबाट कृषि सहकारी समितिको सदस्य बनेकी छन् ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ श्रावण ८, १७: ३२

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ श्रावण ८, १७: ३२

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ श्रावण ८, १७: ३२

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...