
काठमाडौं। त्रिभुवन अन्तर्राष्ट्रिय विमानस्थल काठमाडौंमा बुधबार विहान करिव ११ बजे उडान भर्न लाग्दा धावनमार्गमा चिप्लिएर आगो लागेको सौर्य एयरलाइन्समा सवारमध्ये १५ जनाको शव निकालिएको छ।
नेपाली सेनाका सुचना अधिकारी गौरवकुमार केसीकाअनुसार १५ जनाको शव निकालिएको हो। अन्यको खोजी तथा उद्धारकार्य जारी छ।
परिक्षण उडानका लागि पोखरा जान लागेको जहाजमा सौर्य एयरलाइन्स र विमानस्थलका अन्य कर्मचारी रहेको बताइएको छ।
घटनास्थलबाट ४ जना घाइतेलाई अस्पताल लगिएको छ।
विमानस्थल प्रहरीका डीआईजी रामदत्त जोशीका अनुसार जहाज काठमाडौंबाट उड्न लागेको थियो। धावनमार्गबाट चिप्लिएको जहाजमा आगो लागेको थियो। आगो निभाउने प्रयास गरे पनि सुरक्षाकर्मीहरुले जहाजमा रहेका अधिकांसलाई बचाउन सकेनन्।
जहाजमा रहेका क्याप्टेन ३७ वर्षीय मनीष शाक्यलाई भनृ उद्धार गरेर काठमाडौं मेडिकल कलेज (केएमसी अस्पताल)मा भर्ना गरिएको छ।
विमानस्थलका प्रवक्ता प्रेमनाथ ठाकुरका अनुसार उक्त विमानमा चालक दलका सदस्यसहित १९ जना भएको खबर आएको छ।

जहाज मर्मतका लागि पोखरा लान खोज्दा त्रिभुवन अन्तर्राष्ट्रिय विमानस्थलमा दुर्घटना भएको हो। अग्नि नियन्त्रकहरूले चार जनालाई उद्धार गरी अस्पताल लगेका थिए।
त्रिभुवन अन्तर्राष्ट्रिय विमानस्थलमा सौर्य एयरलाइन्सको आफ्नै ह्याङ्गर नभएको र मर्मतका लागि केही दिन लाग्ने भएका कारण जहाज पोखरा लान खोजिएको थियो। जहाजमा प्राविधिक धेरै कर्मचारी रहेको बताइएको छ।

बम्बार्डियरको सीआरजे–२०० जहाजमार्फत सौर्य एयरलाइन्सले विराटनगर र भद्रपुरमा दैनिक ३–३ वटा नियमित उडान भर्दै आएको थियो।
विमानस्थलले उपलब्ध गराएको एक सूची अनुसार जहाजमा यात्रारत १७ जना थिए।
हेर्नुस् सूची –

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...