हालसम्म रुसी सेनामा भर्ना भएका ३४ नेपालीको मृत्यु, ६ जना युक्रेनमा बन्धक – Naya Bikalpa
November 19, 2026, Thursday      Epaper

हालसम्म रुसी सेनामा भर्ना भएका ३४ नेपालीको मृत्यु, ६ जना युक्रेनमा बन्धक

काठमाडौं। रुसी सेनामा भर्ती भएकामध्ये अहिलेसम्म ३४ जना नेपाली नागरिको मृत्यु भएको छ।

परराष्ट्रमन्त्री डा.आरजु राणा देउवाले रुसी सेनामा भर्ना भएर युक्रेनसँगको युद्धमा लागेकामध्ये छ जना घाईते भएको जानकारी दिएकी हुन्।

प्रतिनिधिसभाको अन्तर्राष्ट्रिय सम्बन्ध र पर्यटन समितिको बैठकमा उनले उक्त जानकारी दिएकी हुन्। मृत्यु भएकाहरूको शव नेपाल झिकाउन २२ जनाको डीएनए परीक्षणका लागि पठाइएको छ।

रुसी सेनाको पक्षबाट लडिरहेका ६ जना नेपालीलाई युक्रेनी सेनाले बन्धक बनाएर राखेको पनि उनले बताइन्।

रुसी सेनामा भर्ती भएकामध्ये अहिलेसम्म १५० नेपाली स्वदेश फर्किसकेका छन्। हालसम्म ३२३ जनाको उद्धारको लागि परराष्ट्र मन्त्रालयमा निवेदन परेको जनाइएको छ।

तीमध्ये सम्पर्कमै नरहेको भनेर ११६ जनाको उद्धारका लागि उनीहरूका परिवारका सदस्यहरुले परराष्ट्र मन्त्रालयमा निवेदन दिएका छन्। उनीहरूको उद्धारका लागि पहल भइरहेको मन्त्री राणाले बताइन्।

इजरायल हमास युद्धमा परेर अहिले हमासको नियन्त्रणमा रहेको भनिएका कञ्चनपुरका विपिन जोशीको उद्धारका लागि पनि नेपाल सरकारले बहुपक्षीयस्तरमा कूटनीतिक पहल जारी राखेको उनले बताइन।

पछिल्लो समय बांग्लादेशमा सरकारी जागिरमा कोटा प्रणालीलाई लिएर भड्केको हिंसाका कारण त्यहाँ रहेका एक हजार ४०० नेपाली विद्यार्थी स्वदेश फर्किसकेका उनले बताइन्।

 

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ श्रावण १०, १४: १३

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ श्रावण १०, १४: १३

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ श्रावण १०, १४: १३

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...