महासंघ निर्वाचन र प्रेस काउन्सिलको ग्रेडिङको ज्यादतिविरुद्ध कृयाशील पत्रकारहरु – Naya Bikalpa
November 19, 2026, Thursday      Epaper

महासंघ निर्वाचन र प्रेस काउन्सिलको ग्रेडिङको ज्यादतिविरुद्ध कृयाशील पत्रकारहरु

काठमाडौं। नेपाल पत्रकार महासंघको निर्वाचनको मिति नतोकिएको र महासंघमा देखिएको वर्तमान समस्या तथा आगामी नेतृत्वको भूमिकाका विषयमा कृयाशील पत्रकारहरुले चासो व्यक्त गरेका छन्।

कृयाशील पत्रकारहरुको साझा मोर्चाले आइतबार काठमाडौंमा आयोजना गरेको अन्तक्र्रियामा वक्ताहरुले नेपाल पत्रकार महासंघको विधान बमोजिम कार्य नगर्दा निर्धारित समयमा निर्वाचन हुन नसकेको निष्कर्ष निकालिएको हो।

प्रेस मञ्च नेपालका मनोज यादवले ठूला भनिएका राजनीतिक दल निकटका पत्रकारहरुको सिण्डिकेटका कारण साना दल निकटका पत्रकारका संगठनहरुले बोल्न पनि नपाउने र उनीहरुले बोलेपनि माग सुनुवाई नुहँदा महासंघको मधेश प्रदेशका अधिकाँश जिल्लाहरुमा तालाबन्दी भइरहेको बताए।

पत्रकार महासंघको बर्तमान नेतृत्व साझा चरित्रको नहुँदा सदस्यता शुद्धिकरण, सदस्यता नकवीकरण र नयाँ सदस्यता प्रदानमा समस्या भएको जिकिर गरे।

प्रेस नेपालका उपाध्यक्ष श्याम कुमार यादवले पत्रकार महासंघको हैकमवादी प्रबृत्ति अन्त्य गर्न सबै कृयाशील पत्रकारहरुलाई आह्वान गरे।

पत्रकार महासंघमा हावी भएको व्यक्तिगत तथा राजनीतिक पूर्वाग्रह सधैंका लागि अन्त्य गर्दै अगाडि बढ्न कानुनी उपचारको बाटो रोज्नुपर्नेमा उनको जोड थियो।

प्रगतिशील पत्रकार महासंघका प्रकाश थापामगरले पत्रकार महासंघको विवादको मुख्य विषय सदस्यता सुद्धिकरण नै हो भन्दै सुर्खेतमा भएको साधारणसभाले पास गरेका बुँदा अक्षरस पालना नगरी महासंघको वर्तमान समस्या हल नहुने बताए।

आदिवासी जनजाति महासंघ (फोनिज)का अध्यक्ष गजुरधन राईले पेशागत समावेशी र पक्षधर पत्रकारहरुलाई महासंघले पूर्वाग्रहपूर्ण व्यवहार गर्न नहुने तर्क गरे।

उनले महासंघले गर्ने हरेक निर्णय सामूहिकतामा हुनुपर्ने भन्दै महासंघका संस्थापक अध्यक्षको विवाद बारे उठेका सवाल तत्काल समाधान हुनुपर्ने माग गरे ।
लोकतान्त्रिक राष्ट्रिय छापामाध्यमका अध्यक्ष दामोदरप्रसाद दवाडीले पत्रकारका समस्याका बारेमा महासंघ नबोल्नु आश्चार्यको विषय भएको भन्दै सकृय पत्रकारिता गरिरहेका पत्रकारहरुलाई किन सदस्यता दिइँदैन भन्दै प्रश्न गरे।

क्रिय​शिल प​त्र​कारहरुको साझा मोर्चाका संयोज​क योगेन्द्र​ प्र​ताप शाहीले प्रेस काउन्सिलले पत्रपत्रिका बर्गीकरणको नतिजामा ज्यादती गरेको भन्दै त्यसकाबिरुद्ध आवाज उठाउन सबै पत्रकारहरुलाई आह्वान गरे। साथै बिज्ञापन बोर्डले हालै प्रकाशन गरेको सूचनाप्रति पनि आपत्ति जनाए।

समाजवादी पत्रकार संग​ठ​नका लेखनाथ सिकारु, प्रगतिशील पत्रकार संघका अध्यक्ष नारायण शर्मा, पत्रकार महासंघका पूर्वकेन्द्रीय सदस्यहरु दीपेन्द्र कुँवर, माधव दुलाल, राष्ट्रिय दलित पत्रकार मञ्चका अध्यक्ष गोपाल बराइलीले पत्रकार महासंघमा पत्रकारलाई मात्र सदस्यता दिनुपर्ने भन्दै सुद्धिकरणका नाममा कृयाशील पत्रकारहरुको सदस्यता कटौती गरिएकोमा महासंघको बर्तमान नेतृत्व आलोचित र असफल भएको बताए।

कृयाशील पत्रकारहरुको साझा मोर्चाका सचिव योगेश खपाङ्गीले मोर्चाको अवधारणाबारे अवगत गराएका थिए भने मोर्चाका सदस्य जन्मदेव जैशी, संयोजक योगेन्द्र शाहीले महासंघको आगामी नेतृत्व चयनका बारेमा अझ व्यापक छलफल र अन्तक्र्रिया गर्दै साझा चरित्रको व्यक्ति छनोट गर्न मोर्चा सबै पत्रकार र संघ संगठनहरुसँग सहकार्य गर्ने बताए।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ श्रावण २०, २१: ३२

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ श्रावण २०, २१: ३२

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०८१ श्रावण २०, २१: ३२

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...