सत्ता पलटसँगै असुरक्षित बंगलादेशी भारत छिर्न खोज्दा बीएसएफले रोक्यो

एजेन्सी
प्रकाशित मिती: २०८१ श्रावण २५, १४: ०९

कोलकाता। बंगलादेशमा हालै भएको हिंसात्मक आन्दोलनसँगै शेख हसिना वाजेदको सत्ता पलटपछि त्यहाँ असुरक्षा बढेको छ।

हसिनाले देश छाडेको केही दिनपछि सुरक्षाको समस्या देखाउँदै बङ्गलादेशका सयौँ नागरिक भारत प्रवेशका लागि भारत–बङ्गलादेश सीमामा भेला भएका छन्।

मुस्लिम बाहुल बङ्गलादेशमा हिन्दु र हिन्दुसँग निकट भएकाहरूको स्वामित्वमा रहेका व्यवसाय र घरहरूमा आक्रमण भएपछि उनीहरुले बंगलादेश छाड्न खोजेका हुन्।

पूर्वप्रधानमन्त्री हसिनाले देश छाडेपछि हिन्दू बंगलादेशीमाथि अमानविय व्यवहार हुन थालेको भिडियोहरु सार्वजनिक भएका छन्।

सोही कारण सयौँ बङ्गलादेशी नागरिक प्रायः हिन्दूहरू, बङ्गलादेशसँगको भारतको सिमानामा भेला भएको भारतको सीमा सुरक्षा बल (बीएसएफ) का उप–महानिरीक्षक अमित कुमार त्यागीले बताए।

जलपाईगुडीस्थित भारत–बांग्लादेश सीमामा १ हजार भन्दा धेरै बंगलादेशी हिन्दू पुगेको भारतीय सञ्चाररमाध्यमले जनाएका छन्। तर, भारततिर छिर्न तयार भएर एकसाथ आएका उनीहरूलाई बीएसएफका जवानहरूले जलपाईगुडीनजिकै रोकिदिएका छन्।