एनएससीका अध्यक्ष अधिकारीलाई मन्त्रालय र सञ्चालक समितिले सोध्यो स्पष्टीकरण – Naya Bikalpa
November 19, 2026, Thursday      Epaper

एनएससीका अध्यक्ष अधिकारीलाई मन्त्रालय र सञ्चालक समितिले सोध्यो स्पष्टीकरण

काठमाडौं। नेपाल वायुसेवा निगमका कार्यकारी अध्यक्ष युवराज अधिकारीलाई संस्कृति, पर्यटन तथा नागरिक उड्डयन मन्त्रालयले ११ बुँदे स्पष्टीकरण सोधेकै दिनमा बहुमत सञ्चालकहरुले समेत स्पष्टीकरण सोधेका छन्।

निगमका सञ्चालक समिति सदस्यहरु किशोर प्रधान, अमृतमान श्रेष्ठ र सुधिर शम्शेर राईले अधिकारीलाई ३ बुँदे स्पष्टीकरण सोधेका हुन्।

दुइटा वाइडबडी विमान उडानमा नरहँदा राष्ट्रिय ध्वजावाहक नेपाल वायुसेवा निगमले दैनिक करिब ४ करोड रुपैयाँ नोक्सानी बेहोर्नुपर्ने भएपछि समितिले कार्यकारी अध्यक्ष अधिकारीलाई स्पष्टीकरण सोधेको हो।

स्पष्टीकरणमा सञ्चालक समितिका निर्णय कार्यान्वयन नगरेको आरोप लगाइएको छ। ‘निगमको सञ्चालक समितिले सोधेको स्पष्टीकरण हाम्रो (कार्यकारी अध्यक्ष)ज्यूको कार्यालयमा आइपुगेको छ,’ स्रोतले भन्यो ।

स्पष्टीकरणमा सञ्चालक समितिका निर्णय कार्यान्वयन नगरेको, राजनीतिक फेरो समातेर ०७८ कात्तिकदेखि निगमको कार्यकारी अध्यक्षमा आइसकेपछि उनकै कारण घाटा वृद्धि हुँदै ४५ अर्ब ऋण व्ययभार ५३ अर्ब रुपैयाँ पुगेको विषयमा जवाफ मागिएको छ।

भदौ १३ गते सञ्चालक समितिमा दर्ता गरेको स्पष्टीकरणको विस्तृत जवाफ अर्को बैठकमा आफैं हस्ताक्षर गरेर बुझाउन कार्यकारी अध्यक्ष अधिकारीलाई निर्देशन दिइएको छ।

निगमका सञ्चालकरुहरुले कार्यकारी अध्यक्षमाथि नै स्पष्टीकरण सोधेको यो दोस्रो घटना हो। यसअघि २०७६ मा तत्कालीन कार्यकारी अध्यक्ष मदन खरेललाई सञ्चालकहरुले स्पष्टीकरण सोधेका थिए। सञ्चालकहरुको स्पष्टीकरणपछि खरेलले राजीनामा दिएका थिए।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ भाद्र २०, १३: ०५

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ भाद्र २०, १३: ०५

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ भाद्र २०, १३: ०५

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...