इजरायलले हवाई हमाला गर्दा लेबनानमा ४९२ को मृत्यु, १६४५ जना घाईते

एजेन्सी
प्रकाशित मिती: २०८१ आश्विन ८, १५: २६

बेरुत (लेवनान)। इजरायली सेनाको हवाई हमलाका कारण लेवनानको बेरुत शहर र दक्षिणी लेवनानमा कम्तीमा चार सय ९२ जनाको मृत्यु भएको र एक हजार छ सय ६४५ जनाभन्दा बढी घाइते भएका छन्।

लेबनानको जनस्वास्थ्य मन्त्रालयले देशको दक्षिणी भागमा रहेका सबै अस्पतालहरूलाई अत्यावश्यक शल्यक्रियाहरू रद्द गर्न आग्रह गरेको जनाएको छ।

घाइतेहरुलाई आकस्मिक विभागमा पु¥याउन चिकित्सकहरुलाई तयार रहन भनिएको छ। शिक्षा मन्त्रालयका अनुसार लेबनानको दक्षिणी र बेरुतको दक्षिणी उपनगरका विद्यालयहरूलाई पनि बन्द गरिएको मिडिया रिपोर्टमा उल्लेख छ।

इजरायली रक्षा बलहरूले लेबनानमा १६ सय बढी लक्ष्यहरूलाई लक्षित गरेको बताएको छ। आइडीएफ प्रवक्ता रियर एडमिरल ड्यानियल हगारीले इजरायली वायुसेनाले १६ सय भन्दा बढी लक्ष्यहरूलाई निशाना बनाएको बताएका हुन्।

इजरायली सेनाले अब हिजबुल्लाहविरुद्धको आक्रमणको दायरा व्यवस्थित रूपमा बढाउँदै लैजाने बताएको छ। इजरायलले घर नजिकै हतियार राखिएको ठाउँ छाड्न सर्वसाधारणलाई आग्रह गरेको छ।

इजरायलले हिजबुल्लाहले हतियारहरू इजरायलविरुद्ध प्रयोग गर्न चाहेको र त्यसको सुरक्षाका लागि लेबनानी जनतालाई मानव ढाल बनाएको आरोप लगाएको छ।