कपिलवस्तुको झाडापखाला प्रभावित क्षेत्रको पानीमा इकोली नामक किटाणु भेटियो, प्रकोप नियन्त्रणमा आएको स्वास्थ्य मन्त्रालयको दावी – Naya Bikalpa
November 19, 2026, Thursday      Epaper

कपिलवस्तुको झाडापखाला प्रभावित क्षेत्रको पानीमा इकोली नामक किटाणु भेटियो, प्रकोप नियन्त्रणमा आएको स्वास्थ्य मन्त्रालयको दावी

नयाँ विकल्प,

काठमाडौं । कपिलवस्तुको कृष्णनगर नगरपालिकाको झाडापखाला प्रभावित क्षेत्रको पानीमा इकोली नामक किटाणु फेला परेको पाइएको छ ।

झाडापखला प्रभावित क्षेत्रको पानीको एउटा नमुनामा इकोली देखिएको स्वास्थ्य तथा जनसंख्या मन्त्रालयले जनाएको छ ।

स्वास्थ्य तथा जनसंख्या मन्त्रालयका प्रवक्ता डा.कृष्ण पौडेलले आइतबार जारी गरेको विज्ञप्तिमा ईपिडिमियोलोजी तथा रोग नियन्त्रण महाशाखा, विश्व स्वास्थ्य संगठन, प्रदेश स्वास्थ्य निर्देशनालय, जिल्ला स्वास्थ्य कार्यालयको सहकार्यमा नियन्त्रण, व्यवस्थापन तथा थप अनुसन्धान गरी उक्त प्रकोपको कारण तथा सम्भावित स्रोतको खोजी कार्य जारी छ ।

अनुसन्धानको क्रममा प्रभावित क्षेत्रको पानीको एउटा नमुनामा इकोली देखिएको हो । दिसा तथा पानीका अन्य नमुना विस्तृत परीक्षणको क्रममा रहेको मन्त्रालयले जनाएको छ ।

प्रभावित क्षेत्रमा झाडापखाला तथा वान्ताका बिरामी ६८८ पुगेको मन्त्रालयले जनाएको छ ।

कृष्णनगर नगरपालिकाको ७, ८ र ९ मा फैलिएको झाडापखला तथा वान्ताका कारण आइतबारसम्म बिरामी हुनेको संख्या ६८८ पुगेको विज्ञप्तिमा उल्लेख छ ।

जसमध्ये ६३१ जना डिस्चार्ज भएका छन् भने ४० जना बिरामीको तौलिहवास्थित कपिलवस्तु अस्पताल र बुटवलस्थित लुम्बिनी प्रादेशिक अस्पतालमा निःशुल्क उपचार भइरहेको मन्त्रालयले जनाएको छ ।

यस्तै १७ जना बिरामीको कृष्णनगर नगरपालिकास्थित शिवराज अस्पतालमा उपचार भइरहेको छ ।

असोज १८ गतेदेखि सो नगरपालिकाकाको तीन वडामा झाडापखला र बान्ताका बिरामी फेला परेका थिए ।

स्वास्थ्य तथा जनसंख्या मन्त्रालयले तीन वडामा फैलिएको झाडापखालाको प्रकोप नियन्त्रणमा आएको दावी गरेको छ ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७८ आश्विन २४, २१: २५

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७८ आश्विन २४, २१: २५

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७८ आश्विन २४, २१: २५

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...