सुदूरपश्चिमका पहाडी जिल्लाहरुमा औषधिको अभाव – Naya Bikalpa
November 19, 2026, Thursday      Epaper

सुदूरपश्चिमका पहाडी जिल्लाहरुमा औषधिको अभाव

डोटी । सुदूरपश्चिमका पहाडी जिल्लाहरुमा औषधिको अभाव भएको छ । बाढी र पहिरोले राजमार्ग अवरुद्ध भएपछि औषधि ढुवानीमा समस्या भएकाले अछाम र बाजुरा लगाएका जिल्लाहरुमा अभाव भएको बताइएको हो ।

सुदूरपश्चिम प्रदेश स्वास्थ्य निर्देशनालय दिपायल राजपुरका अनुसार पहाडी जिल्ला अस्पालहरुमा औषधी ढुवानीका लागि पहल भइरहेको छ । वर्षाले अवरुद्ध सडक सञ्चाल भइनसकेकाले यस्तो समस्या देखिएको हो । सडक सञ्चालनमा नआएसम्म औषधी लगाएत अत्यावश्यक सामाग्रीको ढुवानीमा समस्या हुन्छ । यसका लागि पहल भइरहेको छ ।

ढुवानी नभएकाले जिल्ला अस्पतालको फार्मेसी तथा निजी मेडिकलहरुमा पनि औषधीको अभाव भएको छ । जिल्ला अस्पताल डोटीका चिकित्सक प्रकाश ठकुल्लाका अनुसार अबको एक–दुई दिनमै औषधीको ढुवानी हुन नसकेमा समस्या हुन्छ ।

सुजङ अस्पताल राजपुरका निर्देशक अर्जुन बलायरका अनुसार अस्पतालमा दुई दिनका लागि मात्रै औषधि रहेको छ । यो पचास सैयाको अस्पताल हो । यहाँका जिल्लामा अस्पताल मात्र नभई गाउँपालिकाहरूमा पनि औषधि अभाव रहेको छ । यहाँका सरकारी र निजी अस्पतालको अवस्था पनि यस्तै रहेको छ ।

‘हाम्रो पालिकामा औषधि सकिने क्रममै थियो, अहिले बाहिरबाट औषधि आयात गर्न सक्ने अवस्था पनि रहेन औषधिको अभाव भएको छ ।’ बोगटान फुड्सिल गाउँपालिकाका अध्यक्ष कमलबहादुर गड्सिलाले भने ।

पहाडी जिल्लाहरुमा बाढीपहिरापछि पानीमा प्रदूषित भएपछि फैलन सक्ने रोगहरू नियन्त्रण तथा दीर्घरोगीले प्रयोग गर्दै आएका औषधिको मुख्यरुपमा अभाव देखिएको स्वास्थ्यकर्मीहरुले बताए ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७८ कार्तिक १०, १३: ०२

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७८ कार्तिक १०, १३: ०२

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७८ कार्तिक १०, १३: ०२

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...