
काठमाडौं । गत २४ घण्टामा थप ३१७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार ६ सय ९ जनाको पीसीआर परीक्षण गर्दा ३०१ जना र ३ हजार ४४ जनाको एन्टिजेन परीक्षण गर्दा १६ जना गरी ३१७ जनामा कोरोना भाइरसको संक्रमण पुष्टि भएको हो ।
मन्त्रालयका अनुसार गत २४ घण्टामा कोरोना भाइरसको संक्रमणबाट २७९ जना मुक्त भएका छन् । यो संगै हाल देशभर कोरोना भाइरस संक्रमणबाट निको हुनेहरुको संख्या कुल ७ लाख ९७ हजार ५९ जना रहेको छ ।
भाइरस संक्रमणबाट थप ६ जनाको मृत्यु भएको मन्त्रालयले जनाएको छ । यो संगै नेपालमा कोरोनाका कारण मृत्यु हुनेको संख्या ११ हजार ४६६ पुगेको छ ।
बिहीबार थपिएसँगै हाल नेपालमा कोरोना संक्रमितको कुल संख्या ९ लाख ११ हजार ५५ पुगेको मन्त्रालयको तथाकंमा उल्लेख रहेको छ । हाल देशभर सक्रिय संक्रमितको संख्या ७ हजार ५३५ जना रहेका छ । यसमध्यमा ७ हजार १० जना होम आइसोलेसनमा, ५२५ जना संस्थागत आइसोलेसनमा, १८८ जना आईसीयू र ५४ जना भेन्टिलेटरमा उपचाररत रहेको मन्त्रालयले जनाएको छ ।
स्वास्थ्य तथा जनसंख्या मन्त्रालयको तथाकंमा १० वर्ष मुनिका ६ बालबालिकामा कोरोना संक्रमण पुष्टि भएको उल्लेख छ भने ११ देखि २० वर्ष उमेर समूहका २६ जना रहेको जानकारी दिएको हो ।
उदयपुर — त्रियुगा नगरपालिकाको आयोजना तथा सगरमाथा चौधरी आँखा अस्पताल लहानको प्राविधिक सहयोगमा तीनदिने बृहत् निःशुल्क आँखा जाँच शिविर सञ्चालन...
काठमाडौँ । हरेक वर्ष जुलाई २८ का दिन विश्वभर विश्व हेपाटाइटिस दिवस विभिन्न जनचेतनामूलक कार्यक्रमका साथ मनाइँदै आएको छ। हेपाटाइटिसविरुद्ध...
काठमाडौं । स्वास्थ्य तथा खाद्य स्वच्छता मन्त्रालयले स्वदेशी औषधि उत्पादनलाई सुदृढ बनाउने उद्देश्यसहित आगामी दुई वर्षभित्र नेपाल औषधि लिमिटेडमार्फत ३६...