लगभग ४० प्रतिशत नागरिकमा ओमिक्रोन संक्रमण हुन सक्ने अनुमान – Naya Bikalpa
November 19, 2026, Thursday      Epaper

लगभग ४० प्रतिशत नागरिकमा ओमिक्रोन संक्रमण हुन सक्ने अनुमान

काठमाडौं । छिमेकी राष्ट्र भारतमा दिनदिनै कोरोनाको नयाँ भेरियन्ट ओमिक्रोनबाट संक्रमितको संख्या बढेसंगै नेपालमा पनि यसको असर रहने बताइएको छ । नेपालमा कोरोनाभाइरसका संक्रमतिहरु तीव्र गतिमा बढेपनि ओमिक्रोन भन्दा डेल्टा भेरियन्टका संक्रमित भेटिएको स्वास्थ्य मन्त्रालयका सहप्रवक्ता डा. समीरकुमार अधिकारीले बताएका छन् ।

त्यस्तै संक्रमितको संख्या दिनदिनै बढेपनि सरकारले कोरोना महामारीको तेस्रो लहरका रुपमा स्वीकार गरेको छैन् । कोरोनाको तीव्र फैलावटसंगै स्वास्थ्य तथा जनसंख्या मन्त्रालयले भारतमा ओमिक्रोनको फैलावटलाई हेर्दै नेपालमा पनि ओमिक्रोन भेरियन्ट तीव्रगतिमा फैलिने आंकलन गरेको छ ।

मन्त्रालयले प्रारम्भिकरुपमा नेपालमा ओमिक्रोन भेरियन्टबाट करिब ४० प्रतिशत जनसंख्या संक्रमित हुनसक्ने बताएको छ । यसैका आधारमा मन्त्रालयले स्वास्थ्य पूर्वाधार तयारी अवस्थामा राखेको बताइएको छ ।

भारतमा कोरोना बढेसंगै भारतमा रहेका नेपालीहरु पुनः नेपाल फर्किरहका छन् । आमिक्रोन भेरियन्ट पुष्टि भइरहेको भारतबाट फर्किने नेपालीहरुको संख्या वृद्धि भएकाले ओमिक्रोन संक्रमणको उच्च जोखिमा नेपाल रहेको डाक्टरहरुको भनाई रहको छ ।

नेपालमा ओमिक्रोनको अवस्था
नेपालमा हालसम्म २७ जनामा ओमिक्रोन संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । भारतबाट नेपाल फर्किने नेपालीहरुको संख्यामा क्रमिक वृद्धि भएसंगै नेपाल ओमिक्रोनको उच्च जोखिममा परेको विशेषज्ञहरु बताउँछन् ।

यसै क्रममा त्रिवि शिक्षण अस्पताल महाराजगन्जका कोभिड संयोजक तथा छातीरोग विषेशज्ञ डा. निरज बमले नेपाल सरकार र सम्पूर्ण नागरिकहरुले समय मै ओमिक्रोन भेरियन्टको रोकथाममा ध्यान नदिने हो भने चुनौतिपूर्ण अवस्था नकार्न नमिल्ने बताए ।

अस्पतालहरुमा विरामीको अवस्था

विगत केही सातादेखि नेपालमा पनि कोरोना संक्रमण वृद्धि हुदै गइरहेको छ । संक्रमितमध्येमा धेरै जसो डेल्टा भेरियन्ट पुष्टि भएको स्वास्थ्य मन्त्रालयले बताएको छ । तरपनि भारतमा दिनदिनै ओमिक्रोन भेरियन्ट पुष्टि भइरहेकाले संक्रमण फैलने जोखिम उच्च रहेको मन्त्रालयले बताइरहेको छ ।

यता अस्पतालहरुमा पीसीआर परीक्षण गर्ने, उपचार गर्न आउने मानिसहरुको संख्या बढेपनि गम्भीर खालका बिरामीको चाप नरहेको बताइएको छ । भारतबाट नेपाल फर्किनेको संख्या वृद्धिभएसंगै नेपाल आमिक्रोनको उच्च जोखिममा रहेको छ । यसबाट हुने सम्भावित जोखिमलाई कम गर्न सरकारले सीमा नाकाहरुमा कोरोना संक्रमण पहिचान, उपचार र नियन्त्रणका लागि पुस महिनादेखि आगामी भदौ महिनासम्मका लागि ¥यापिट एक्सन प्लान लागू गरेको छ ।

सीमा नाकाहरुमा कडाइका साथ कोरोना परिक्षण र संक्रमितको उचित व्यवस्थापन गर्ने तथा अस्पतालहरुमा अक्सिजनको सहज उपलब्धतालगाएका योजना समाबेश गरिएको स्वास्थ्य मन्त्रालयकी प्रवक्ता डा. संगिता कौशल मिश्राले बताइन् ।

सम्बन्धित समाचार

गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
  • २०७८ पुष २८, १४: ५२

उदयपुर — त्रियुगा नगरपालिकाको आयोजना तथा सगरमाथा चौधरी आँखा अस्पताल लहानको प्राविधिक सहयोगमा तीनदिने बृहत् निःशुल्क आँखा जाँच शिविर सञ्चालन...

आज विश्व हेपाटाइटिस दिवस : जनचेतना, परीक्षण र उपचारमा पहुँच विस्तारको आवश्यकता
आज विश्व हेपाटाइटिस दिवस : जनचेतना, परीक्षण र उपचारमा पहुँच विस्तारको आवश्यकता
  • २०७८ पुष २८, १४: ५२

काठमाडौँ । हरेक वर्ष जुलाई २८ का दिन विश्वभर विश्व हेपाटाइटिस दिवस विभिन्न जनचेतनामूलक कार्यक्रमका साथ मनाइँदै आएको छ। हेपाटाइटिसविरुद्ध...

दुई वर्षभित्र ३६ प्रकारका अत्यावश्यक औषधि स्वदेशमै उत्पादन गर्ने सरकारको तयारी
दुई वर्षभित्र ३६ प्रकारका अत्यावश्यक औषधि स्वदेशमै उत्पादन गर्ने सरकारको तयारी
  • २०७८ पुष २८, १४: ५२

काठमाडौं । स्वास्थ्य तथा खाद्य स्वच्छता मन्त्रालयले स्वदेशी औषधि उत्पादनलाई सुदृढ बनाउने उद्देश्यसहित आगामी दुई वर्षभित्र नेपाल औषधि लिमिटेडमार्फत ३६...