काठमाडौं उपत्यका कोरोनाको हटस्पट बन्यो – Naya Bikalpa
November 19, 2026, Thursday      Epaper

काठमाडौं उपत्यका कोरोनाको हटस्पट बन्यो

काठमाडौ । पछिल्लो समय ओमिक्रोन लगाएतका भेरियन्टको तीव्र रुपमा बढेको देखिएको छ । सरकारले उपत्यकालाई विशेष निगरानी गरेर जोडबिजोर प्रणाली लागु गर्दा पनि सरकारी कार्यालय, बैंक जस्ता संघ/संस्थाहरुका कार्यालयमा कार्यरत कर्मचारीहरु प्रायजसो सबै संत्रमित हुन थालेका छन् भने कतिपय कार्यालयहरुमा संक्रमित भएरपनि काम गर्न बाध्य रहेका छन् ।

यस्तै, मुक्तिनाथ बैंकको कालीमाटी शाखाका सबै कर्मचारीहरु कोरोना संक्रमित भएका कारण केही दिनदेखि शाखा नै बन्द भएको छ । त्यसैगरी आन्तरिक राजस्व विभाग अन्तर्गत करदाता सेवा कार्यालय पुतलीसडक, टंगाल कार्यालय, कलंकी कार्यालयहरुमा प्रायजसो सबै कर्मचारीहरू कोरोना पोजेटिभ छन् ।

त्यस्तै, करदाता सेवा कार्यालय पुतलीसडकका अधिकृत लगाएत प्राविधिकहरुसमेत कोरोना संक्रमित भएकाले कार्यालयमा आउने सेवाग्राहीहरुमा समेत जोखिम बढेको छ । कार्यालयका कर्मचारीहरूमा कोरोना पोजेटिभ देखिदा देखिदै पनि काम गर्न बाध्य भएको एक अधिकृतले बताए ।

त्यस्तै सेवाग्राहीको अत्याधिक चाप रहने उक्त कार्यालयहरुमा कार्य सम्पन्न नहुँदा व्यापार व्यवसायको कर सम्बन्धि कार्य नै अवरोध हुने हुदाँ संक्रमित कर्मचारीहरूले पालैपालो सेवा प्रदान गरिरहेको एक अधिकृतले बताए ।

काठमाडौं उपत्यकामा मंगलबार मात्रै ६ हजार १७२ जना कोरोना संक्रमित भएका छन् । उपत्यकाका तीन जिल्ला काठमाडौंमा ४ हजार ८७५ जना, भक्तपुरमा ५१५ जना र ललितपुरमा ७८२ जनामा संक्रमण भएको स्वास्थ्य मन्त्रालयले जनाएको छ ।

गत २४ घण्टामा कूल १८ हजार १०३ जनाको पीसीआर परीक्षणका क्रममा ९ हजार ४३२ जना र ७ हजार ८०६ जनाको परीक्षणका क्रममा २ हजार ५७६ जनामा संक्रमण पुष्टि भएको थियो ।

सोही अवधिमा थप ८ जनाको मृत्यु भएको छ भने ३ हजार ४० जना कोरोना संक्रमित संक्रमणमुक्त भएका छन् ।

त्यस्तै नेपालमा विगत ११ दिनकाेबीचमा १ लाख बढी काेराेना संक्रमित भएकाे मन्त्रालयले जनाएकाे छ ।

सम्बन्धित समाचार

गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
  • २०७८ माघ ११, १७: ३८

उदयपुर — त्रियुगा नगरपालिकाको आयोजना तथा सगरमाथा चौधरी आँखा अस्पताल लहानको प्राविधिक सहयोगमा तीनदिने बृहत् निःशुल्क आँखा जाँच शिविर सञ्चालन...

आज विश्व हेपाटाइटिस दिवस : जनचेतना, परीक्षण र उपचारमा पहुँच विस्तारको आवश्यकता
आज विश्व हेपाटाइटिस दिवस : जनचेतना, परीक्षण र उपचारमा पहुँच विस्तारको आवश्यकता
  • २०७८ माघ ११, १७: ३८

काठमाडौँ । हरेक वर्ष जुलाई २८ का दिन विश्वभर विश्व हेपाटाइटिस दिवस विभिन्न जनचेतनामूलक कार्यक्रमका साथ मनाइँदै आएको छ। हेपाटाइटिसविरुद्ध...

दुई वर्षभित्र ३६ प्रकारका अत्यावश्यक औषधि स्वदेशमै उत्पादन गर्ने सरकारको तयारी
दुई वर्षभित्र ३६ प्रकारका अत्यावश्यक औषधि स्वदेशमै उत्पादन गर्ने सरकारको तयारी
  • २०७८ माघ ११, १७: ३८

काठमाडौं । स्वास्थ्य तथा खाद्य स्वच्छता मन्त्रालयले स्वदेशी औषधि उत्पादनलाई सुदृढ बनाउने उद्देश्यसहित आगामी दुई वर्षभित्र नेपाल औषधि लिमिटेडमार्फत ३६...