थप २५ जनामा काेराेना संक्रमण पुष्टि

नयाँ विकल्प संवाददाता
प्रकाशित मिती: २०७८ चैत्र १७, १६: ५०

काठमाडौं । पछिल्लो समय नेपालमा कोरोनाभाइरस संक्रमणबाट मृत्यु हुनेको संख्या सून्य रहेको छ भने कोरोनाभाइरसबाट संक्रमित हुनेको संख्या पनि निकै कम रहेको छ । गत २४ घण्टाको तथ्यांकअनुसार थप २५ जनामा कोरोना संक्रमण पुष्टि भएको छ ।

देशभर जम्मा ४ हजार ९५१ जनाको नमूना परिक्षण मध्ये ३ हजार ६ सय २३ जनाको पिसिआर परिक्षणका क्रममा २४ जना र १ हजार ३ सय २८ जनाको एन्टीेजेन परिक्षणका क्रममा १ जनामा कोरोना संक्रमण पुष्टि भएको मन्त्रालयले जनाएको हो ।

बुधबार जस्तै बिहीबार पनि कोरोनाका कारण ज्यान गुमाउनेको संख्या शुन्य रहेको छ । सोही अवधिका थप ८९ जना भाइरस संक्रमणमुक्त भएका छन् । योसंगै हालसम्म नेपालमा कोरोना भाइरस संक्रमणमुक्त हुनेको संख्या ९ लाख ६५ हजार ३ सय ९४ रहेको छ । देशभर हाल १ हजार ८१ सक्रिय संक्रमित आइशोलेशनमा रहेको मन्त्रालयले जनाएको छ ।

त्यस्तै गत २४ घण्टामा करिब ६० हजार २६० जनाले कोरोनाविरुद्धको खोप लगाएको मन्त्रालयले जनाएको छ ।

सम्बन्धित समाचार

दुई वर्षभित्र ३६ प्रकारका अत्यावश्यक औषधि स्वदेशमै उत्पादन गर्ने सरकारको तयारी

२०७८ चैत्र १७, १६: ५०

काठमाडौं । स्वास्थ्य तथा खाद्य स्वच्छता मन्त्रालयले स्वदेशी औषधि उत्पादनलाई सुदृढ बनाउने उद्देश्यसहित आगामी दुई वर्षभित्र नेपाल औषधि लिमिटेडमार्फत ३६...