गत २४ घण्टामा २४ जनामा काेराेना संक्रमण पुष्टि, ५१ जना संक्रमणमुक्त

नयाँ विकल्प संवाददाता
प्रकाशित मिती: २०७८ चैत्र २२, १७: १७

काठमाडौं । पछिल्लो २४ घण्टामा थप २४ जनामा कोरोना संक्रमण पुष्टि भएको छ । देशभर करिब ५ हजार ५८७ नमुना परिक्षणमध्ये ३ हजार २७८ जनाको आरटि पीसीआर परिक्षणका क्रममा २१ जना र २ हजार ३०९ जनाको एन्टीजेन परिक्षणका क्रममा ३ जनामा गरी कूल २४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

सोही अवधिमा थप ५१ जना कोरोनाभाइरस संक्रमणमुक्त भएको मन्त्रालयले जनाएको छ भने कोरोनाका कारण मृत्यु संख्या सुन्य रहेको छ । मंगलबार थपिएसंगै हालसम्म कोरोनाभाइरसबाट संक्रमित हुनेको संख्या ९ लाख ७८ हजार ५२८ जना पुगेको छ भने हालसम्म ११ हजार ९५१ जनाको संक्रमणबाट मृत्यु भएको छ ।

त्यस्तै कोरोनाभाइरस संक्रमणमुक्त हुनेको संख्या हालसम्म ९ लाख ६५ हजार ७६५ रहेको छ । अहिलेसम्म पीसीआर परिक्षणबाट संक्रमण पुष्टि हुनेको संख्या कूल ५५ लाख ६३ हजार ५६ रहेको मन्त्रालयले जनाएको छ ।

हाल नेपालमा ८१२ जना संक्रिय संक्रमित रहेका छन् । जसमध्ये ७७१ जना होम आईसोलेसनमा, ४१ जना संस्थागत आईसोलेसनमा, १५ जना आई.सी.युमा र २ जना भेन्टिलेटरमा उपचाररत छन् ।

त्यस्तै गत २४ घण्टामा १० वर्ष मुनिको १ जनामा संक्रमण देखिएको छ भने क्रमशः २० भन्दा माथि २० जनामा कोरोना देखिएको हो । त्यस्तै गत २४ घण्टामा १७ हजार ७५५ जनाले कोरोनाविरुद्धको खोप लगाएका छन् ।