- अनामनगर काठमाडौँ
- infobikalpa21@gmail.com
काठमाडौँ । आईसीसी क्रिकेट विश्वकप लिग–२ अन्तर्गत जारी त्रिदेशीय सिरिजमा नेपालले आज नेदरल्याण्डससँग प्रतिस्पर्धा गर्दैछ।
सिरिजको दोस्रो खेल नेपाली समयअनुसार दिउँसो २:४५ बजे सुरु हुनेछ। पहिलो खेलमा नामिबियासँग पराजित भएको नेपाल आज नेदरल्याण्डसविरुद्ध जित निकाल्दै प्रतियोगितामा पुनरागमन गर्ने लक्ष्यमा हुनेछ। नेदरल्याण्डसको भने यो सिरिजमा पहिलो खेल हो।
नेपाल र नेदरल्याण्डसबीच हालसम्म पाँच एकदिवसीय अन्तर्राष्ट्रिय खेल भएका छन्। तीमध्ये नेदरल्याण्डसले तीन खेल जितेको छ भने नेपालले दुई खेल आफ्नो पक्षमा पारेको छ। पछिल्लो भेट २०२५ जुनमा भएको थियो, जहाँ नेपाल १६ रनले विजयी भएको थियो।
यस सिरिजका लागि नेपाल क्रिकेट संघ (क्यान) ले कप्तान रोहित पौडेलको नेतृत्वमा १५ सदस्यीय टोली नेदरल्याण्डस पठाएको छ। टोलीमा उपकप्तान दीपेन्द्र सिंह ऐरी, कुशल भुर्तेल, आसिफ शेख, इशान पाण्डे, आरिफ शेख, गुलशन झा, करण केसी, सोमपाल कामी, नन्दन यादव, सन्दीप लामिछाने, ललित राजवंशी, भीम सार्की, अर्जुन कुमाल र विनोद भण्डारी रहेका छन्।
लिग–२ अन्तर्गतको यो सिरिज जुलाई ३१ सम्म सञ्चालन हुनेछ। बाँकी खेल तालिकाअनुसार जुलाई २५ मा नेदरल्याण्डस र नामिबिया, जुलाई २७ मा नेपाल र नामिबिया, जुलाई २९ मा नेपाल र नेदरल्याण्डस तथा जुलाई ३१ मा नेदरल्याण्डस र नामिबियाबीच प्रतिस्पर्धा हुनेछ।
हालसम्मको अंक तालिकामा नेदरल्याण्डस २८ खेलबाट ३२ अंकसहित तेस्रो स्थानमा रहेको छ। नेपाल २९ खेलबाट २४ अंकसहित पाँचौं स्थानमा छ भने नामिबिया २९ खेलमा २६ अंक जोड्दै छैटौं स्थानमा रहेको छ।
काठमाडौं : नेपालले श्रीलंकामाथि प्रभावशाली जित दर्ता गर्दै जापानको नागोयामा जारी २०औं एसियाली खेलकुदअन्तर्गत महिला कबड्डीको सेमिफाइनलमा स्थान सुरक्षित गरेको...
काठमाडौँ । जापानको आइची–नागोयामा जारी २०औँ एसियाली खेलकुदमा नेपालले पाँचौँ दिनमा आएर पदकको खाता खोलेको छ। पुरुष कुमिते ८४ केजीमाथिको...
काठमाडौं : जापानमा जारी २०औं एसियाली खेलकुदमा नेपालले पहिलो पदक जित्दै पदकको खाता खोलेको छ । कराते खेलाडी तेन्जिङ शेर्पाले पुरुष कुमिते...
