- अनामनगर काठमाडौँ
- infobikalpa21@gmail.com
नयाँ विकल्प ,
वीरगञ्ज- वीरगञ्ज महानगरपालिकाको आसन्न निर्वाचनलाई चौतर्फीरुपमा हेरिएको छ । पर्साको वीरगञ्ज यतिवेला चुनावी रौनकताले तातेको छ । विभिन्न राजनीतिक दल तथा स्वतन्त्र उम्मेदवार आआफ्नो प्रतिवद्धतापत्र लिएर मतदाताका घरघरमा पुगिरहेका छन् ।
वीरगञ्ज महानगरपालिकामा प्रमुख पदका लागि विभिन्न राजनीतिक दल र स्वतन्त्र गरी जम्मा जम्मी १८ उम्मेदवार चुनावी प्रतिस्पर्धामा छन् भने उपप्रमुखमा दुई स्वतन्त्रसहित चार जना प्रतिस्पर्धामा उत्रिएका छन् । निर्वाचनमा दलहरुले गठबन्धन बनाउँदा प्रमुख पदमा नेपाली कांग्रेस, नेपकपा माओवादी केन्द्र, एकीकृत समाजवादी र जनता समाजवादी पार्टीको तर्फबाट जसपाका नेता राजेशमान सिंह चुनावी मैदानमा हुनुहुन्छ भने नेकपा एमाले र लोकतान्त्रिक समाजवादी पार्टीको तर्फबाट एमालेका नेता निवर्तमान प्रमुख विजयकुमार सरावगी चुनावी मैदानमा हुनुहुन्छ ।
उपप्रमुखमा सरावगीको प्यानलबाट लोकतान्त्रिक समाजवादी पार्टीका नेता पुरुषोत्तमलाल झा र सिंहको प्यानलबाट कांग्रेसका जिल्ला सचिव इम्तियाज आलम चुनावी मैदानमा हुनुहुन्छ । विशेष गरी यस पटकको निर्वाचनमा सरावगी र सिंहको प्यानलबीच मुख्य प्रतिस्पर्धा हुने जनाइएको छ ।
प्रमुख पदमा नेपाल सद्भावना पार्टीबाट विजयकुमार रौनियार, राष्ट्रिय प्रजातन्त्र पार्टीबाट गिरिश गिरी, नेपाल किसान पार्टीबाट गोकर्णप्रसाद कोइरी, स्वतन्त्र प्रभात सिंह, जमिलराय भाठ, रिजवान अली, राजेन्द्रप्रसाद सिंह, महमद सगिर अली, फिरोज आलम, महमद रियाज उल हक, बिक्कीराज पटेल, सञ्जिवकुमार यादव, कैलाशप्रसाद सर्राफ, राधेश्याम साह, कैलाशप्रसाद सर्राफराजेश सिंह र रोज मियाँ अन्सारीलगायत चुनावी मैदानमा हुनुहुन्छ । वीरगञ्ज महानगरपालिकामा हाल कूल एक लाख २४ हजार ६४७ मतदाता रहेका छन् ।
काठमाडौं : डा. गाेविन्द केसी र सरकारबीच ७ बुँदे सहमति भएकाे छ । साेमबार सरकारसँग सहमति भएसँगै डा.केसीले अनशन ताडेका...
काठमाडौं : नेपाली कांग्रेसका सभापति गगनकुमार थापाले सुनसरीको देवानगन्ज गाउँपालिका–कप्तानगन्जमा भएको घटनाप्रति गहिरो दुःख व्यक्त गरेका छन् । सोमबार एक...
काठमाडौं : सुदूरपश्चिम प्रदेशअन्तर्गत दार्चुलाको शैल्यशिखर नगरपालिका–९ स्थित श्री गोकुलेश्वर माध्यमिक विद्यालयको भवन निर्माणका लागि सोमबार शिलान्यास गरिएको छ ।...
